Foto: ashyq derekkóz
Prezıdenttiń aıtýynsha, qasterli Táýelsizdigimizdi qorǵap, jan-jaqty nyǵaıtý – bárimizdiń ortaq mindetimiz, qazirgi jáne bolashaq urpaq aldyndaǵy perzenttik paryzymyz.
«Biz Respýblıka kúniniń mán-mańyzyn, onyń myqty memleket jáne kózi ashyq, kókiregi oıaý ult qalyptastyrýǵa baǵyttalǵan aýqymdy ózgeristerdiń sımvoly retindegi tereń maǵynasyn jastarǵa túsindirýimiz kerek», dedi Qasym-Jomart Kemeluly memlekettik nagradalar men syılyqtar tapsyrýǵa arnalǵan saltanatty rásim barysynda.
Osy tusta Memleket basshysy Respýblıka kúni halyqtyń bolashaqqa senimin nyǵaıtatyn erekshe meıram bolýy kerek ekenin eske saldy. Prezıdenttiń paıymynsha, osy maqsatta patrıottyq, qaıyrymdylyq jáne volonterlik is-sharalardy kóptep uıymdastyrǵan jón.
«Egemendik kúni ultty uıystyratyn naǵyz eldiktiń meıramyna aınalýǵa tıis. Iаǵnı, osy qasterli merekede Otanǵa degen shynaıy súıispenshilikti dáripteýimiz kerek. Bul – barshamyzǵa ortaq is. Sondyqtan bárimiz bir el bolyp atsalysaıyq!», dep túıindedi Prezıdent.
