Foto: ashyq derekkóz
Bas sanıtarlyq dárigerdiń aıtýynsha, qazirgi ýaqytta zııankesterden zardap shekken balalardyń jaǵdaıy turaqty, barlyǵy aýrýhanadan shyǵarylyp, úılerine jiberildi.
«Ekinshi jaǵdaıda dezınfeksııalaýshy zat qoldanyldy, ol ádette aýyl sharýashylyǵynda qoldanylady, ony turǵyn úılerde múldem paıdalanýǵa bolmaıdy. Tıisinshe, bul ónimdi paıdalaný joǵarǵy qabattaǵy kórshilerdiń ýlanýyna sebep boldy», dedi Aıjan Esmaǵambetova.
Eske sala ketsek, alǵashqy ýlaný oqıǵasy 21 qazanda bolǵan. Aqtaý qalasyndaǵy páterlerdiń birinde zalalsyzdandyrý jumystary kezinde sanıtarlyq normalardyń buzylýy saldarynan jeti adam zardap shekti. Zardap shekken eki adam, úsh jasqa deıingi balalar ýlaný saldarynan kóz jumdy. Qazir atalǵan fakti boıynsha sotqa deıingi tergeý amaldary júrgizilip jatyr.
Dál osyndaı jaǵdaı 27 qazanda da boldy. Qaladaǵy turǵyn úılerdiń birinde tósek qurttaryn ýlaý kezinde bes adam, onyń ishinde úsh jas bala ýlandy.
Aıta ketsek, turǵyn úılerdegi zııankesterdi ýlaý qyzmeti lısenzııalanbaǵan. Aıjan Esmaǵambetova zııankesterge qarsy qaýipti ónimderdi qoldaný jaǵdaılarynyń kóbeıýine baılanysty bul qyzmet túrin lısenzııalaý engizilip jatqanyn qosa aıtty.
«Bul qyzmet 2007 jylǵa deıin jalpy lısenzııalanǵan edi. 2007 jyldan bastap lısenzııalaý joıyldy. Biraq qazir mundaı ýlaný oqıǵalary jıi tirkelip jatyr. Sondyqtan «Bıologııalyq qaýipsizdik týraly» zańnyń aıasynda bul ereje engizildi», dep túsindirdi Aıjan Esmaǵambetova.
