Nepaldyń Ulttyq jer silkinisin baqylaý jáne zertteý ortalyǵy 6,4 baldyq jer silkinisin tirkedi. Jer silkinisiniń oshaǵy Nepal astanasy Katmandýdan 400 shaqyrym jerde ornalasqan Djaıarkot aımaǵynda boldy. AQSh-tyń geologııalyq qyzmeti jer silkinisiniń kúshin 5,6, Úndistannyń seısmologııalyq ortalyǵy 6,4, Potsdamdaǵy nemis geofızıka zertteý ortalyǵy (Geoforschungszentrum, GFZ) 6,2 ball dep baǵalady.
Adamdar úıindi astynda qalyp qoıǵandyqtan qaza tapqandar sany artýy múmkin.
Buqaralyq aqparat quraldarynyń habarlaýynsha, Nepaldaǵy jer silkinisiniń dúmpýleri tipti Úndistan astanasy Nıý-Delıde de sezilgen.
Úkimet izdeý-qutqarý jumystaryna kómektesý úshin qaýipsizdik kúshterin jiberdi.
Nepalda jer silkinisi jıi bolyp turady. 2015 jyly 7,8 baldyq jer silkinisi 9 myńǵa jýyq adamnyń ómirin qıyp, mıllıonǵa jýyq ǵımaratty zaqymdady.
