«Kezdesý barysynda biz birlesken jobalardyń keleshegin talqyladyq. Sondaı-aq belgili tulǵalardyń ámbebap adamı qundylyqtardy, beıbitshilik pen ózara túsinistik ıdeıalaryn ilgeriletýde erekshe ról atqara alatynyn atap óttik.
Biz Ulttar saraıynda bolyp, Jeneva kitaphanasy men BUU muraǵattaryndaǵy óner týyndylarymen, tarıhı qujattarmen jáne nysandarmen tanystyq», dep jazdy Dımash.
Keıinirek Ýılson saraıynda BUU-nyń Adam quqyqtary jónindegi basqarmasynda jáne halyqaralyq kóshi-qon uıymynyń shtab-páterinde kezdesýler ótti.
«Qazaqstannyń BUU janyndaǵy Jenevadaǵy Turaqty ókildigine baryp, qyzmetkerlermen jáne olardyń otbasy múshelerimen kezdestim. Turaqty ókil Erlan Álimbaevpen kezdesý barysynda men Jeneva alańyndaǵy jumysta Qazaqstannyń basym baǵyttarymen tanystym», dep jazdy ánshi.
