Foto: Erlan Omarov
«Egemen Qazaqstan» gazetiniń redaksııasynda ótken saltanatty sharada, fılolog, túrkitanýshy, elshi Selım Hazbıevıchtiń birneshe kitaptarynyń tusaýy kesildi.
«Soǵysaralyq kezeńdegi Polsha tatarlarynyń ıdeologııasy», «Polskıe tatary – naslednıkı Zolotoı Ordy» kitaptary buǵan deıin de oqyrman qaýymnyń yqylasyna bólengen edi. Qyrym tatarlarynyń taǵdyr talaıy týraly doktorlyq dıssertasııasyn qorǵaǵan Selım Hazbıevıchti polıak halqy aqyn retinde de tanıdy. Sebebi 1978 jyldan beri birneshe jyr jınaǵy jaryq kórdi.
Is-sharany uıymdastyrýǵa uıytqy bolǵan Jetpisbaı Bekbolatuly polıak tatarlarynyń sany az bolǵanymen qadaý-qadaý tulǵalar shyqqanyn atap ótti. Mysaly, polıak halqynan alǵash bolyp Nobel syılyǵyn alǵan jazýshy Genrık Senkevıch te polıak tatary.
J.Bekbolatuly Qazaqstan men Polsha arasyndaǵy rýhanı, mádenı, ádebı baılanystardyń nyǵaıyp kele jatqanyn, polıak jerinde turaqtap qalǵan qońyrat, naıman, jalaıyr rýlarynyń tarıhyn zertteý qolǵa alynǵanyn da jetkizdi.
