Is-shara baǵdarlamasyna sáıkes úsh kún ishinde TRIP IKAO strategııasynyń bes elementimen tikeleı baılanysty 10 paneldik sessııa ótkizý josparlanǵan. Atap aıtqanda, sáıkestikti rastaý, mashınamen oqylatyn jol júrý qujattary, qujattardy berý jáne baqylaý, tekserý júıeleri men quraldary, birin-biri tolyqtyratyn aqparattyq júıeler.
Is-sharanyń negizgi baǵyty tehnologııa men ınnovasııa arqyly jolaýshylardyń utqyrlyq deńgeıin arttyrýǵa baǵyttalǵan. Azamattyq avıasııany damytýdyń basym baǵyttarynyń biri sıfrlyq transformasııa bolyp tabylatynyn atap ótý qajet. Kólik mınıstrligi Qazaqstan áýejaılarynda jolaýshylarǵa qyzmet kórsetý jáne sáıkestendirý boıynsha jańa tehnologııalardy qoldanýǵa, sondaı-aq áýe tasymaly kezindegi formaldylyqty jeńildetý máselelerine erekshe nazar aýdarady. TRIP ICAO aımaqtyq sımpozıýmy tájirıbe almasý jáne jolaýshylardy sáıkestendirý boıynsha jalpy problemalyq máselelerdi talqylaý úshin biregeı pikirtalas alańy bolady.
TRIP ICAO aımaqtyq sımpozıýmynyń spıkerleri Kanada, Amerıka Qurama Shtattary, Fransııa, Ulybrıtanııa, Túrkııa, Jańa Zelandııa, Shveısarııa sııaqty elderdiń formaldylyqty jeńildetý máseleleri boıynsha halyqaralyq sarapshylary bolady. Sonymen qatar is-sharaǵa Halyqaralyq azamattyq avıasııa uıymynyń (ICAO), Halyqaralyq áýejaılar keńesiniń (ACI), Halyqaralyq kóshi-qon uıymynyń (IOM), Halyqaralyq áýe kóligi qaýymdastyǵynyń (IATA), Birikken ulttar uıymynyń bosqyndar isi jónindegi joǵarǵy komıssarynyń basqarmasynyń (UNHCR), Interpol Bas hatshylyǵynyń, Halyqaralyq qylmystyq polısııa uıymynyń, sondaı-aq Eýropalyq shekara jáne jaǵalaý kúzeti agenttiginiń (FRONTEX) qyzmetkerleri qatysady.
Qazaqstannyń spıkerleri retinde memlekettik organdardyń (QR UQK ShQ, SDIAО́M, IIM KQQK, KM AAK), Qazaqstannyń avıasııalyq ákimshiliginiń, Astana jáne Almaty qalalarynyń áýejaılarynyń, otandyq áýe kompanııalardyń (Air Astana, SCAT, Qazaq Air, FlyArystan) jáne Azamattyq avıasııa akademııasynyń ókilderi sóz sóıleıdi. Is-sharanyń tolyq baǵdarlamasy Qazaqstannyń avıasııalyq ákimshiliginiń saıtynda https://caa.gov.kz jarııalanǵan.
