Elimiz táýelsizdik alǵan jyldardan bastap, eki memleket kóshbasshylarynyń, Zań shyǵarýshy organdary men úkimetteriniń, bıznes qoǵamdastyqtarynyń arasynda tabysty, ashyq baılanys ornady. Ol úshin qos el árqashan ekijaqty ózara is-qımyldy nyǵaıtý boıynsha barlyq múmkin bolatyn dıplomatııalyq, saıası qadamdar jasady jáne qabyldady.
Syndarly saıasat jáne ózara tıimdi nátıjege umtylys – Qazaqstan men Reseı dıaloginiń negizgi ereksheligi. Aramyzda álemdegi eń uzyn qurlyqtyq shekara jatyr. Desek te barlyq deńgeıde zańnamalyq jáne is júzinde ekijaqty qatynastar bekidi, halyqaralyq bastamalardy jarııa qoldaý qamtamasyz etildi, ıntegrasııalyq úderister birtindep damyp kele jatyr.
Bir jaǵynan Reseı Qazaqstannyń iri saýda-ekonomıkalyq seriktesi bolǵandyqtan, ekijaqty taýar aınalymy jyl saıyn tarıhı rekordty jańartyp keledi. Byltyrdyń ózinde taýar aınalymy 28 mıllıard dollardy qurady.
Munaı-gaz salasyndaǵy yntymaqtastyq ta óte belsendi damý ústinde. Reseı munaıyn kórshi elderge, sondaı-aq gazdy Qazaqstan aýmaǵy arqyly tranzıtteý jónindegi ýaǵdalastyqtar da energetıkadaǵy ózara is-qımyldy sapaly jańa deńgeıge kóterdi.
Ásem RAHMETOVA,
Senat depýtaty
