foto: ashyq derekkózden
Jýrnalıstiń «Saýda oryndarynan taýar alǵanda túbirtekte «onyń ishinde qosylǵan qun salyǵy» dep turady. Qosylǵan qun salyǵynyń kóterilgeni qarapaıym tutynýshylardyń qaltasyna tikeleı áser etedi degen sóz emes pe?», degen suraǵyna Ulttyq ekonomıka mınıstri jaýap berdi.
Mınıstrdiń aıtýynsha, qosylǵan qun salyǵy azyq-túlik baǵasyna áser etpeıdi.
«Birinshiden, elde azyq-túlik ónimderi negizinen iri sýpermarketterde, bazarlarda satylady. Ásirese iri saýda oryndarynda, bazarlarda saýda jasaıtyndardyń kóbi qosylǵan qun salyǵyn tólemeıdi. Iаǵnı, ol oryndarda qosylǵan qun salyǵyn tóleıtinderdiń paıyzy az. Biz bólshek salyqtyń áreket etý aıasyn keńeıtip jatqandyqtan arnaıy salyq rejımi arqyly salyq tóleýshilerdiń sany kóbeıedi. Iаǵnı, osy rejımge engender qosylǵan qun salyǵyn tólemeıdi. Bul, ásirese, azyq-túlik naryǵyna jaqsy áser etedi. Qoryta kelgende qosylǵan qun salyǵynyń ósýi azyq-túlik baǵasyna áser etpeıdi», dedi Álibek Qýantyrov.
