Foto: Turar Qazanǵapov
Búgingi tańda memlekettik qyzmettiń shamamen 93%-y elektrondy túrde kórsetiledi.
Alaıda áli de qaǵaz formatynda anyqtama suratatyn mekemeler bar. Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın osy olqylyqtyń ornyn toltyrý maqsatynda jumys berýshiler men mektepterdiń burynǵysha anyqtamalardy talap etý faktisin 2024 jyldan bastap tolyq joıýdy josparlap otyrǵanyn aıtty.
О́tken jylmen salystyrǵanda smartfon arqyly kórsetiletin qyzmetter sany 6 esege ósken.
«Qazirgi tańda qazaqstandyqtar jańa sıfrlyq servısterdi jıi qoldanady. Atap aıtqanda, olardyń qatarynda elektrondyq senimhattar berý, avtokólikti onlaın satyp alý-satý, ıpotekany onlaın rásimdeý jáne t.b. qyzmetter bar», dedi Baǵdat Mýsın Úkimet otyrysynda.
Mınıstr zeınetaqy taǵaıyndaý prosesi ózgertilip, osy baǵyttaǵy jumystar múldem jańa formatta júrgiziletin málimdedi.
Sondaı-aq jumysqa ornalasý, ınternet qosý, deklarasııalardy tapsyrý, balabaqshaǵa kezekke turý kezinde talap etiletin anyqtamalardyń 12 túrin joıý boıynsha jobalar ázirlenip jatqany belgili boldy.
