Foto: respublica-partiyasy.kz
«Úı alý kezeginde búginde 557 myń adam tur. Jyl saıyn bul san 50 myńǵa artady. Zań jobasynda tabysy tómen otbasylardy jaldamaly turǵyn úımen qamtamasyz etý on esege artatyny kórsetilgen. Alaıda atalǵan máseleniń naqty qandaı merzimde sheshiletini aıqyndalmaǵan. Kezekte turǵan azamattardyń turǵyn úı máselesi qansha ýaqytta sheshimin tabady? Úkimettiń bul týraly naqty jospary bar ma? BUU-nyń halyqty turǵyn úımen qamtamasyz etý normalaryna sáıkes bir adamǵa 30 sharshy metr bólinýi qajet. Qazaqstandaǵy kórsetkish qalalyqtar úshin 23,4 sharshy metr, al aýyl halqy úshin 19,8 sharshy metr. Biz osy aıyrmashylyqty qalaı ári qashan joıa alamyz? Úkimet osyny sheshý úshin qandaı ınstıtýsıonaldyq, zańnamalyq ózgeris engizedi?» degen depýtat Rýslan Berdenovtiń saýalyna jaýap bergen mınıstr Q.Sharlapaev úı kezeginde turǵandardyń sany artýyna demografııalyq ahýaldyń tıgizer áseri zor ekenin aıtty. Sala basshysy Úkimette bul máseleni sheshýge qatysty talqylaý bolatynyn jetkizdi.
