Ulttyq oıyndar ulyqtaldy

Ulttyq oıyndar chel­lendjine oraı uıym­das­ty­rylǵan sharada oqýshylar VR-kózildiriktiń kómegimen asyq atyp, 3D prınter arqyly saqa jasady.

Oqý-aǵartý mınıstrliginiń 17 qarashada elimizdiń barlyq mektebinde bir mezgilde ult­tyq oıyndardan jarys ót­kizý týraly habarlandyrýy­na baılanysty kitaphana ujymy atalǵan kúndi zaman talabyna saı uıymdastyrýdy jón kórgen.

– Qazaqtyń ulttyq oıyn­darynan alarymyz kóp. Asyq atýdan bastap bestas syndy oıyndarymyz búgingi qo­ǵam­ǵa óte kerek dep oılaımyn. Sebebi qazirgi balalarǵa bul oıyndardyń bereri mol. Kósh­peli halqymyz oıyn arqyly balanyń damýyna, oı órisiniń keńeıýine yqpal ete bilgen. Mysalǵa, bestas­ty alyp qarasaq, ol balany eptilikke, ushqyrlyqqa baýlıdy. Jyldam sheshim qabyldap, utqyr bolýǵa úı­retedi. Tipti bala tiliniń je­tilýi de osy oıynǵa baılanysty, – deıdi ki­tap­hana qyzmetkeri Aıdarıǵa Áshi­rap.

Is-shara barysynda oqý­shy­larǵa ulttyq qundyl­yq­tarymyz ben ulttyq oıyndarymyz dáriptelip, bestas, toǵyzqumalaq, asyq atýdan oıyn ótti. Zamanaýı tehnologııamen jabdyqtalǵan kıiz úıde baldyrǵandar VR kózildirik kómegimen kóshpendiler ómi­rine saıahattap, ulttyq oıynymyz asyq atýdy onlaın rejimde de oınap kórdi. Ulttyq oıynǵa О́skemen qalalyq mádenıet jáne tilderdi damytý bóliminiń basshysy Almaz Bolatuly da qatysyp, bestas­tan baǵyn synap kórdi. Asyr sala oınap júrgen balalarǵa sáttilik tiledi.

О́skemen