Jıynda Nashaqorlyqqa jáne esirtki bıznesine qarsy kúrestiń 2023-2025 jyldarǵa arnalǵan keshendi josparyn iske asyrý jáne lýdomanııaǵa qarsy is-qımyl jónindegi Jol kartasynyń jobasyn ázirleý máselesi talqylandy.
Memlekettik keńesshi nashaqorlyq pen lýdomanııaǵa qarsy kúresý jáne osy indettiń aldyn alý elimizde zań men tártip qaǵıdattaryn túbegeıli ornyqtyrýǵa qatysty jumystyń mańyzdy baǵyty ekenine toqtaldy. Keńes músheleri osy mańyzdy iske belsendi azamattardyń barynsha atsalysýy kez kelgen quqyq buzýshylyqqa múldem tózbeıtin qoǵam qalyptastyrýǵa yqpal etetinin atap ótti.
Sondaı-aq keńes otyrysynda jyl saıyn ázirlenetin «Qazaqstan jastary» ulttyq baıandamasynyń jobasy talqylandy. Baıandamada ádettegideı demografııa, densaýlyq, bilim jáne ǵylym, azamattardyń ekonomıkalyq is-áreketteri jáne azamattyq-saıası úderisterge qatysýy sııaqty mańyzdy áleýmettik ólshemder qamtylǵan.
Kezdesý sońynda Erlan Qarın búginde júzege asyrylyp jatqan reformalar, eń aldymen, jastarǵa arnalatynyn jáne jastarymyz eldegi ózgeristerdiń negizgi qozǵaýshy kúshi sanalatynyn atap ótti. Memlekettik keńesshi keńes múshelerin Qazaqstan jastaryna qatysty qordalanǵan máselelerdi tıimdi sheshý úshin árdaıym belsendi bolýǵa shaqyrdy.
