Foto: gov.kz
«Jas sarbaz» áskerı-patrıottyq klýbynyń tárbıelenýshisi Aqjol Geroı batyl áreketimen jol-kólik oqıǵasynyń aldyn alǵany úshin Qorǵanys mınıstri general-polkovnık Rýslan Jaqsylyqov izgi tilekterin jetkizgen. «Sizderdiń uldaryńyz syndarly sátte atyna zaty saı naǵyz batyr ekenin dáleldedi», delingen jas batyrdyń ata-anasyna jazylǵan alǵys hatta.
Eske salaıyq, jedel qımylymen avtobýstyń úımen soqtyǵysýynyń aldyn alǵan oqýshy týraly aqparattar keńinen taraldy. Biz beıbit kúnniń batyr balasyna aınalǵan Geroıdyń nemeresinen suhbat ta aldyq. Ony búgin saıtymyzda jarııaladyq. 
