Foto: gov.kz
Jıynǵa Ulttyq jáne at sporty ortalyǵynyń dırektory Baqdáýlet Sábıtov, Ulttyq sport qaýymdastyǵynyń ókilderi, ulttyq sport federasııalarynyń prezıdentteri, óńirlik sport basqarmalarynyń basshylary, aımaqtardaǵy ulttyq sport mektepteri men klýbtarynyń basshylary jáne «Qazsportınvest» AQ mamandary qatysty.
«Ulttyq sport túrlerinen akkredıttelgen sport federasııalarymen birlese osy baǵytta birqatar is-shara atqarylyp jatyr. Bıyl ulttyq sporttyń birneshe túrinen álem jáne Azııa chempıonattary, Álem jáne Azııa kýbogi, Dúnıejúzilik jaýyngerlik óner oıyndary syndy iri jarystar ótkizildi. Sportshylardyń nátıjesi jaman emes. Biraq alda turǵan mindetter kóp. Búgingi tańda sonyń eń bastysy – 2024 jylǵy V Dúnıejúzilik kóshpendiler oıyndaryn abyroımen ótkizý. Úzdik nátıjege qol jetkizý úshin tyńǵylyqty daıyndyq qajet. Barshańyzdy aldaǵy Kóshpendiler oıyndaryn joǵary deńgeıde ótkizýge atsalysýǵa shaqyramyn», dedi Erbol Myrzabosynov. Ár federasııa basshysy atqarylǵan jumys týrasynda eseptik baıandama jasalyp, ulttyq sportty ulyqtaý jolyndaǵy máseleni sheshý de aıtyldy.
