aqorda_resmi
Ekijaqty kelissózderden keıin BAQ ókilderi úshin birlesken málimdeme jasaǵan Togo Prezıdenti aýylsharýashylyǵy salasyndaǵy yntymaqtastyqtyń nyǵaıyp kele jatqanyn erekshe atap ótti. Q.Toqaev shaqyrtýdy qabyl alyp, elimizge resmı saparmen kelgen Gnassıngbege razylyǵyn aıtty. Togo memleketiniń basshysy sapar aıasynda eki el arasyndaǵy qatynasty nyǵaıta túsetinin aıtty. For Gnassıngbe Togonyń Qazaqstanmen yntymaqtastyq ornatýǵa erekshe kóńil bólip otyrǵanyn jáne strategııalyq seriktestikti óńiraralyq qana emes, qurlyq deńgeıinde de damytýǵa múddeli ekenin jetkizdi.
«300 mıllıonnan astam halqy bar Batys Afrıka elderimen taýar aınalymyn jolǵa qoıǵan Togo Qazaqstan ınvestorlarynyń qyzyǵýshylyǵyn týǵyzady dep oılaımyn. Aýyl sharýashylyǵy salasyndaǵy yntymaqtastyǵymyz damyp kele jatqany qýantady. Búginde sizdiń eldiń Togoǵa astyq jetkizý múmkindigi mol. Qazaqstan sıfrlandyrý salasynda aıtarlyqtaı jetistikke jetip otyr. Biz de óz elimizde sıfrlandyrý jobalaryn iske asyryp, osy baǵyttaǵy yntymaqtastyqty jolǵa qoıýǵa nıettimiz. Bul turǵydan sizderden úırenerimiz kóp», dedi Togo Prezıdenti F.Gnassıngbe.
