Qoǵam • 29 Qarasha, 2023

Jezqazǵanda jylý jelisin jańartýda 223 mıllıon teńge negizsiz jumsalǵan – prokýratýra

237 ret

kórsetildi

1 mın

oqý úshin

Prokýrorlar Jezqazǵan qalasynyń turǵyn úı kommýnaldyq sharýashylyǵy, jolaýshylar kóligi jáne avtokólik joldary bóliminiń (TKSh) qyzmetin tekserdi. Tekserý nátıjesinde Jezqazǵan qalasynyń jylý jelilerin qaıta qurý jáne jańǵyrtý kezinde bıýdjet qarajatyn asa iri mólsherde talan-tarajǵa salý faktisi anyqtaldy, dep habarlaıdy Egemen.kz Ulytaý oblysy prokýratýrasynyń baspasóz qyzmetine silteme jasap.

Qýanysh NURDANBEKULY

Jezqazǵanda jylý jelisin jańartýda 223 mıllıon teńge negizsiz jumsalǵan – prokýratýra

Foto: gov.kz

«2021 jyly TKSh bóliminiń laýazymdy tulǵalary qurylys jumystaryn joǵary baǵamen qabyldaǵan, bul 223 mln teńgeden astam mólsherde bıýdjet qarajatyn negizsiz artyq tóleýge ákelgen. Atalǵan fakt boıynsha oblys prokýratýrasy Qylmystyq kodekstiń 189-baby (Senip tapsyrylǵan bóten múlikti ıemdenip alý nemese talan-tarajǵa salý) boıynsha sotqa deıingi is júrgizýdi bastap, ony tergep-tekserý Ulytaý oblysy boıynsha Sybaılas jemqorlyqqa qarsy is-qımyl agenttiginiń departamentine tapsyryldy. Qylmystyq isti tergep-tekserý barysy oblys prokýratýrasynyń baqylaýyna alyndy», delingen aqparatta. Qylmystyq-prosestik kodekstiń 201-babyna saı ózge málimet tergeý múddesine saı jarııa etilmeıdi.