Oblystyq aýyl sharýashylyǵy jáne jer qatynastary basqarmasynyń basshysy Talǵat Dúısebaevtyń aıtýynsha baǵdarlama óńdeý, egin kooperatıvterin jabdyqtaý, mal sharýashylyǵy jáne basqa baǵyttaǵy bıznes jobalarǵa arnalyp otyr. Búginde 342 jobanyń qujattaryn nesıe komıteti maquldap, 142 jobaǵa qaralǵan. Nesıe 18 kooperatıv pen 124 jeke kásipkerge berildi. Osynyń nátıjesinde júzdegen jumys orny ashylǵan.
Eldegiler úshin «Aýyl amanatynyń» taǵy bir tıimdiligi – jeke qosalqy sharýashylyqtardyń jumysyna qoldaý kórsetiletindigi. Osylaısha, shaǵyn sehtar, jylyjaı óndirisi, omarta, balyq jáne qus sharýashylyǵyn damytýǵa dem beredi.
Bul sózimizdiń bir dáleli – Shıeli aýdanyndaǵy Bıdaıkól aýylynda ashylǵan qyzanaq óńdeý sehy. Aýdannan «Aýyl amanaty» aıasynda 584 mln teńge bolatyn 79 joba qoldaý taýypty.
Aýyl kásipkeri Qanat Musaevtyń bul bastamasynyń jobalyq quny – 48 mln teńge. «Aýyl amanaty» arqyly tómen paıyzben 27,6 mln teńge qarajat alǵan oǵan Atameken kásipkerlik palatasy mamandarynyń kómegi kóp tıgen. Búginde sehta 6 adam turaqty jumys istese, jaz aılarynda 15 adamǵa deıin jumyspen qamtylady. Aldaǵy ýaqytta aýyldaǵy óndiris aıasyn budan ári keńeıtý kózdelip otyr.
Qyzylorda
