Foto: Turizm sport ministrligi
Bıylǵy Azııa oıyndarynda veloshosseden Qazaqstan quramasy jaqsy nátıje kórsetip, 2 altyn, 1 kúmiske ıe bolǵany málim. Oǵan qosa, qyzdar básekesinde otandastarymyz 1 qola alǵan. Velotrek pen maýntınbaık (taý velosıpedi) jarysynda ókinishke qaraı, Qazaqstan sportshylary jeńis satylarynan kórine almady.
Ermek Marjyqpaev otandyq velosportta jeńispen órilgen jaqsy dástúr bar ekenin, sportshylarymyz bıyldyń ózinde joǵary nátıjege qol jetkizgenin atap ótti.
«Alekseı Lýsenko men Evgenıı Fedorovtyń maýsym boıy sátti óner kórsetýi arqasynda jerlesterimiz Olımpıadanyń 3 joldamasyna qol jetkizdi. Veloshabandozdardyń Hanchjoýdaǵy (Qytaı) joǵary jetistigi Olımpıada oıyndarynda júldeli oryndardan úmittiligimizdi aıǵaqtaıdy. Velosport – medal qajet etetin sport túri. Al velotrek pen maýntınbaık sııaqty basqa da baǵdarlamalar boıynsha jattyǵý josparyn qaıta qaraý kerek. Ulttyq qurama kóshbasshylary jeke daıyndyq josparyn qatań ustanýǵa tıis», dedi vedomstvo basshysy.
Aıta ketsek, velosport boıynsha olımpıadalyq irikteý saıystary aıaqtalyp, Ulttyq qurama sportshylary Parıj Olımpıadasyna daıyndyq jumystaryn bastady. Vedomstvo Olımpıadaǵa deıin sportshylardyń oqý-jattyǵý jıynyn uıymdastyrýǵa, farmakologııalyq jáne veloshabandozdardy qalpyna keltirý quraldary boıynsha barlyq qajetti jaǵdaıdy jasaýǵa járdem qylady.
Jıyn sońynda mınıstr ótken jarystardaǵy velotrek pen maýntıbaıktyń nátıjelerine tereń taldaý júrgizýdi, sondaı-aq Parıj Olımpıadasy aldynda komanda ishinde aýyzbirshilik pen jaqsy kóńil-kúıdi saqtaý jóninde sharalar qabyldaýdy tapsyrdy.
