Jas kóshbasshylar tájirıbe almasty

Forýmda sóz alǵan Mańǵys­taý oblysy máslıhaty appara­tynyń mamany, óńirlik jas­tar isi jónindegi keńes múshesi Gúlmaısa Shańbaeva, oblystyq máslıhat depýtaty, «Amanat» partııasynyń oblystyq fılıaly janyndaǵy «Jastar rýhy» JQ tóraǵasy Abzal Ma­rat, Aqtaý qalalyq máslıhat depý­­taty Suńǵat Qanaev zııat­ker­lik, ınnovasııalyq, eńbek, shy­ǵarmashylyq áleýetin damytý, Eýrazııalyq keńistik el­de­ri jastarynyń problemala­ryn, sondaı-aq Lenıngrad oblysynyń zań shyǵarýshy jınalysyndaǵy eýrazııalyq ıntegrasııanyń túıin­di máse­lelerin talqylaýǵa qa­tysyp, kommýnıkatıvtik alań­dy uıym­dastyrýdaǵy jumyspen tanysyp qaıtty.

Sapar barysynda Qazaq­stan­nyń jas kóshbasshylar Sankt-Peterbýrg qalasyndaǵy Bas kon­sýl Dmıtrıı Mıhnomen kez­desip, eki el arasyndaǵy qa­rym-qatynastar jáne jastar ta­qyrybynda áńgime órbitip, pikir almasty. Sondaı-aq oblystyq máslıhaty tóraǵasy Jańbyrbaı Mataevtyń bastamasymen jáne oblystyq máslıhat depýtaty Qýa­nyshbaı Ozǵanbaevtyń qar­jy­lyq de­meý­shiligimen qazaq, orys, aǵyl­shyn tilderinde shyq­­qan ta­rıh ǵy­lym­darynyń dok­­tory, profes­sor О́mirzaq Oz­ǵanbaevtyń «Re­seı memle­kettik Dýmasy jáne Qazaqstan» atty kitabyn syıǵa tartty.

Budan keıin Gúlmaısa Shań­­­­­­baeva, Abzal Marat, Suń­­­ǵat Qa­­naev halyqaralyq deń­geı­­de uıymdastyrylǵan Le­nın­g­rad oblysynyń jastar par­­­lamentiniń ashyq otyrysy­na qatysty. Kún tártibinde jas­tardyń zııatkerlik, ınnova­sııa­lyq, eńbek, shyǵarmashylyq áleýetin damytý, Eýrazııalyq keńistik elderi jastarynyń problemalary taqyrybynda baıandama jasap, reseılik árip­teste­ri­men suraq-jaýap al­mas­ty. О́z kezeginde sóz al­ǵan mańǵystaýlyq delegasııa músheleri jastar saıasaty máse­lelerine qatysty ózara táji­rıbe almasyp, tyń ıdeıalary­men bólisti. Sóz sońynda uıym­dastyrýshy taraptyń shaqyr­týyna alǵysyn jetkizdi.

Halyqaralyq forýmnyń ke­­lesi kúni delegasııa mú­­she­­­­leri qalanyń kórnekti tarı­­­hı jer­lerin aralady. Eks­kýr­sııa­da dúnıe júzindegi eń iri kór­kem­sýret jáne tarıhı-máde­­nı «Ermıtaj» mýzeıine, Ora­nıen­baýmdaǵy eń kóne ǵı­marat Menshıkov saraıyna ba­ryp, qalanyń tarıhy jáne máde­nıetimen tanysty. Sony­men birge Novosele mádenı ortaly­ǵyndaǵy sha­ǵyn leksııalardy, úlken kon­feren­sııalardy jáne ártúrli formattaǵy basqa da is-shara­ny ótkize alatyndaı etip jab­dyqtalǵan «14+» kovor­kıng ortalyǵyna baryp, jas­tar­dy jan-jaqty damytýǵa ar­nal­ǵan baǵdarlama jospary­men tanysýǵa múmkindik al­dy. Al osy aıdyń basynda A.Ger­­sen atyndaǵy Reseı mem­le­kettik pedagogıkalyq ýnı­versı­tetinde «Eýrazııalyq onyn­shy ınnovasııalyq konvent» is-sha­rasy ótti. Jıynǵa Mań­ǵys­taý oblysynan 18-35 jas ara­­l­yǵyndaǵy jas kósh­basshylar qa­tysty. Konventtiń jalpy otyrysynda delegasııa músheleri Eýrazııalyq keńistikti damytý máselesi, ja­s­tardyń zııatkerlik, ın­no­va­sııalyq, eńbek, shyǵar­ma­shy­lyq áleýetin damytý taqy­ry­bynda baıandama jasap, qozǵalǵan taqyrypty birge talqylady.

Is-shara sońynda qatysý­shylar tájirıbelerimen bóli­sýge múmkindik alyp, Le­nın­­grad oblysynyń Zań shy­ǵa­rýshy jınalysyna rıza­shy­­lyqtaryn jetkizdi. Budan keıin qazaqstandyq delegat­tar qalanyń eń tanymal kór­nekti oryndarynyń biri – 1906 jyldan bastap 1917 jylǵa deıin Memlekettik Dýma kez­de­sýler ótkizgen Tavrııa sa­raıy­­nyń tarıhymen tanys­ty. Sondaı-aq TMD-ǵa qaty­­sý­­shy memleketterdiń Parla­men­­taralyq Assambleıasyndaǵy Par­lamentiniń ókildigi Igor Mý­sa­lımov arnaıy qabyldap, halyqaralyq yntymaqtastyq jáne I-II Dýmaǵa saılanǵan Alash depýtattary taqyry­bynda áńgime órbitti.