Jýrnalısttiń jazbasyna qaraǵanda, túrik kásipkeriniń esimi - Lera. Ol jazda Antalııaǵa barǵan Gúlmıra Ábiqaıǵa osy jaıtty áńgimelep bergen.
«Oqıǵa bylaı órbigen, Lera 26 jyldan beri Túrkııada turady. Jyljymaıtyn múlik satyp, jalǵa kólik berýmen aınalysady. Teńiz jaǵalaýyndaǵy shaharǵa Qazaqstan ánshileriniń legi attanǵanda, jarnamalyq usynyspen Kókeevpen tanysady. “Qasynda jubaıy, janynda 5-6 balasy bar eken, úlgili áke retinde kórdim” deıdi Lera.
Byltyr ánshi Leradan jalǵa kólik alady. Otbasy, bala-shaǵasymen bir sharaǵa baryp, mas kúıinde moto júrgizýshini qaǵyp ketedi», - delingen avtordyń jazbasynda.
Esi shyqqan Erlan Kókeev Leradan kómek suraıdy, ol tanystaryn salyp, saqtandyrý aqysyn tólep, ánshini kepilge shyǵaryp alady.
Japa shekken Túrkııa azamaty, jas jigit aýyr jaǵdaıda aýrýhanaǵa jetkiziledi. Báribir densaýlyǵy ońalmaı, qazir múgedek bolyp qalǵanyn aıtqan Lera.
«Túrkııa zańy boıynsha, jol-kólik oqıǵasynyń barlyq shyǵynyn rýldegi júrgizýshi emes, kólik rásimdelgen ıesi kóteredi. “Kólik pen medısınalyq saqtandyrý, kepil aqysy men sot otyrysynyń shyǵyny 34 myń evro boldy. Ony ótegenshe Erlan men áıeli janymnan shyqpaı, ólerdegi sózderin aıtyp, arashalaýyn ótindi. Alǵashqy shyǵyndardy ótegen soń Kókeev kóleńkesin kórsetpeı ketti” dep nazyn bildirdi Lera.
Basynda telefonyn almaı, keıin Leranyń nómirin múldem buǵattap, ózi Qazaqstanǵa taıyp tursa kerek
Qazir búkil Alanııa "ABK" tobynyń eks-ánshisin sharq uryp izdep júr», - dep jazdy Gúlmıra Ábiqaı.
Sodan keıin jýrnalıst elge oralǵan soń, Erlan Kókeevke 2-3 ret habarlasqan, telefondy kótergen kómekshisi ol jol-kólik oqıǵasy jaıly bilmeıtinin aıtypty.
