«Azyq-túlik qaýipsizdigin qamtamasyz etý – mańyzdy mindet. Úsh jylda agroónerkásip keshenindegi óńdelgen ónim úlesin 70 paıyzǵa jetkizý qajet. Bul jumysty Úkimet bıznes ókilderimen birlesip atqarýǵa tıis», dedi el Prezıdenti.
Memleket basshysynyń aıtýynsha, osy salanyń ımportqa táýeldiligin azaıtý úshin iri ınvestısııalyq jobalar qolǵa alynyp jatyr.
«Aldaǵy ýaqytta sút ónimderin shyǵaratyn 115 ferma salynady. Olar jyl saıyn 600 myń tonnaǵa deıin ónim beretin bolady. Sondaı-aq 15 iri qus fabrıkasy iske qosylady. Bul kásiporyndar jylyna 120 myń tonna et óndiredi. Munyń bári jalań sıfr emes, bul – naqty mindetter.
Árbir iri joba aýyl halqynyń turmys sapasyn jaqsartýǵa tikeleı áser etedi. Aımaqtardy damytýǵa mol múmkindik beredi. Men bul máselege árdaıym basa mán beretinimdi bilesizder», dedi Q.Toqaev.
