Qazaqstan • 13 Jeltoqsan, 2023

Sýarý júıesin rekonstrýksııalaý boıynsha aýqymdy joba júzege asyrylady

220 ret

kórsetildi

1 mın

oqý úshin

Qazaqstanda 14 myń shaqyrymnan astam ırrıgasııa júıesiniń tozyǵy jetken. Saldarynan tasymal kezinde sýdyń 40%-dan astamy joǵalady. Máseleni sheshý úshin Sý resýrstary jáne ırrıgasııa mınıstrligi sýarý júıelerin keshendi rekonstrýksııalaý boıynsha aýqymdy jobany qolǵa alýdy josparlap otyr, dep habarlaıdy Egemen.kz atalǵan vedomstvonyń baspasóz qyzmetine silteme jasap.

Shyńǵys MUQAEV

Sýarý júıesin rekonstrýksııalaý boıynsha aýqymdy joba júzege asyrylady

Foto: bladi.net

Jobany 3 kezeńge bólip iske asyrý usynylyp otyr. Alǵashqy kezeńde, 2024-2025 jyldary 3,5 myń shaqyrym sý arnasy jańartylady. Bul jyl saıynǵy sý shyǵynyn 0,5 tekshe shaqyrymǵa deıin azaıtýǵa múmkindik bermek.

Qazirgi ýaqytta elimizdegi sýarý júıesiniń jalpy uzyndyǵy 35 myń shaqyrymnan asady. Onyń 20,6 myń shaqyrymy respýblıkalyq menshikte. 14,7 myń shaqyrymy kommýnaldyq jáne 0,5 myń shaqyrymy jekemenshikte.

Keshendi jospardy iske asyrý sý resýrstaryn 3,7 tekshe shaqyrymǵa deıin ulǵaıtýdy jáne sýarmaly jerlerdi 2,2 mıllıon gektarǵa deıin arttyrýdy kózdeıtinin aıta kele vedomstvo basshysy Nurjan Nurjigitov: «Bul sonymen qatar jyl saıynǵy sýarýǵa arnalǵan sýdyń joǵalýyn azaıtyp, 2030 jylǵa qaraı onyń kólemin 3 tekshe shaqyrymǵa deıin jetkizýge múmkindik beredi», dedi.