Aýa raıy • 14 Jeltoqsan, 2023

Qańtar qarly, aqpan aqtútek: Sınoptıkter qystyń eki aıyna boljam aıtty

44901 ret

kórsetildi

1 mın

oqý úshin

Bıyl eldiń soltústik, ortalyq aımaǵynda qarasha qarsyz ótip, aýa raıy tosyn minez tanytty. Sınoptıkter ótken aıdy «tarıhtaǵy eń jyly qarasha» dep tańbalady. Al jeltoqsanda kún raıy jıi qubylyp tur. Aıdyń alǵashqy kúnderi jyly ótse de, keıingi on kúndikte qys kúshine minip, aıaz qysty. Mamandar aldaǵy qystyń eki aıy qańtar, aqpanda elimizde qandaı aýa raıy bolatynyn aıtty, dep jazady Egemen.kz.

Dana MYRZAQADIR

Qańtar qarly, aqpan aqtútek: Sınoptıkter qystyń eki aıyna boljam aıtty

Sınoptıkter qystyń qalǵan eki aıy «tosyn syılarǵa» toly bolady dep boljap otyr.

«Qazgıdromet» RMK málimetinshe, bıylǵy qysta 2001-2002 jyldardaǵy ssenarıı qaıtalanady. Iаǵnı, ótken jyldardaǵy qys aılarymen salystyrǵanda aldaǵy eki aı jyly bolady dep boljanyp otyr. Degenmen, qańtar - qarsyz, aqpan - aqtútek boransyz ótpeıdi.

«Qańtar-aqpanda Qazaqstan aýmaǵy boıynsha temperatýralyq fon negizinen klımattyq normadan 1-2°S joǵary bolady. Jeltoqsan aıynda Qazaqstannyń basym bóliginde aýa temperatýrasy klımattyq norma shamasynda, al QR soltústigi men shyǵysynda normadan 1°S tómen bolady», dep habarlady «Qazgıdromet» RMK.

Sınoptıkter boljamyna súıensek, qańtardyń orta sheni qarly-aıazdy bolsa, aqpan aıynyń alǵashqy on kúndiginde boran bolýy yqtımal.