Foto: primeminister.kz
«Memleketter basshylary keńesiniń ótken otyrysynda Prezıdent Qasym-Jomart Toqaev usynǵan basymdyqtar TMD formatyndaǵy ózara is-qımyldy kúsheıtýge baǵyttalǵan. Eń bastysy – týyndaǵan syn-qaterlerdi eńserý, tıimdi áriptestikti nyǵaıtý úshin jańa baǵyttar izdeý. Búginde Dostastyq elderiniń eriktileri ózderiniń tynymsyz eńbekteriniń arqasynda tolerantty qoǵamnyń damýyna, qaıyrymdylyq pen meıirimdilik mádenıetin qoldaýǵa eleýli úles qosýdy jalǵastyryp keledi. Dostastyq elderi eriktileriniń jyl saıynǵy forýmyn ótkizý jáne oǵan TMD-nyń turaqty alańy mártebesin berý týraly bizdiń bastamany iske asyrý boıynsha naqty jumystardy bastaýǵa shaqyramyn», dedi Á.Smaıylov.
Densaýlyq saqtaý salasyndaǵy yntymaqtastyqty tereńdetý jaıyn qozǵaǵan Premer-mınıstr dene shynyqtyrý jáne sport salasynda atqarylyp jatqan jumystardyń mańyzdylyǵyna toqtaldy. Bıyl múmkindigi shekteýli balalar arasynda TMD elderiniń spartakıadalary jáne TMD chempıonattaryn ótkizý úshin uıymdastyrý-quqyqtyq negizin qurý atalǵan baǵyttaǵy úlken jetistik bolyp otyr.
«Qazaqstan bul jumysty qoldaıdy jáne aldaǵy jarystarǵa belsendi qatysýdy josparlap otyr. «TMD sheńberinde ázirlengen densaýlyq saqtaý salasyndaǵy yntymaqtastyq tetikteri keń aýqymdy koronavırýstyq pandemııany eńserýge yqpal etti. Sonymen qatar bizdiń elder qazir taǵy da keń taralǵan aýrýlarmen betpe-bet kelip otyr, onyń ishinde qyzylsha indetiniń órshýin erekshe atap ótýge bolady. Osyǵan oraı densaýlyq saqtaý salasyndaǵy yntymaqtastyq jónindegi keńesti qosa alǵanda, TMD-daǵy barlyq ózara is-qımyl tetikterin jandandyrýǵa shaqyramyz», dedi Úkimet basshysy. Qazaqstan Dúnıejúzilik densaýlyq saqtaý uıymynyń qoldaýymen alǵashqy medısınalyq-sanıtarııalyq kómek boıynsha elder koalısııasyn qurýdy usynǵanyn atap ótti. Bul qujatty 2022 jyldyń 14 qazanynda Astanada ótken TMD sammıtinde qabyldanǵan elderimizdiń basshylarynyń Mádenıet salasyndaǵy yntymaqtastyq týraly málimdemesin damytý retinde qabyldaıtynyn aıtty.
