Ulttyq ulan baspasóz qyzmetiniń málimetinshe, 7 tildi meńgergen sarbaz «Shyǵys» óńirlik qolbasshylyǵyna qarasty №6699 áskerı bólimine Almaty qalasynan shaqyrylǵan. Qatardaǵy jaýynger Túrkııada bilim alǵan.
«Men orys, aǵylshyn, túrik, ázerbaıjan, ıspan, fransýz, cheh tilderin bilemin. «Bir til bilgen – bir adam, eki til bilgen – eki adam» degen naqyl sóz bar. Til úırený arqyly sol ulttyń mádenıeti jáne dástúrimen tanysýǵa bolady. Meniń polıglot bolýyma Eýropada bilim alýym áser etti. Sebebi ol jaqta aralasqan adamdarym kóp tildi biletin», deıdi Baǵjan Bolatuly.
Ol merzimdi áskerı qyzmetin ótkergennen keıin áskerı bólimde kelisimshart boıynsha qyzmet etpek. Qatardaǵy jaýynger áskerı salada júrip te shet tilin meńgerýge bolady degen pikirde. Daryndy polıglot aldaǵy ýaqytta japon, parsy tilderin úırenýge peıildi. «Til úırený boıynsha júıeli josparlarym jazylǵan qoıyn dápterim bar. Bolashaqta keminde 10 til bilgim keledi», deıdi jas jaýynger.
