Vıse-mınıstr bilim salasyndaǵy bıylǵy qorytyndylarǵa egjeı-tegjeıli toqtalyp, negizgi jetistikter men nátıjelerge sholý jasady. Bıyl QR Ǵylym jáne joǵary bilim mınıstrligi otandyq ǵylymdy damytý jáne joǵary bilimdi jańǵyrtý maqsatynda aýqymdy jobalardy iske asyrdy. Máselen, Mańǵystaý óńirindegi jalǵyz joǵary oqý ornyna, sondaı-aq el ekonomıkasyn damytý úshin sapaly tehnıkalyq mamandar men kadrlar daıarlaýǵa erekshe kóńil bólindi.
«Tehnıkalyq mamandardy daıarlaý basymdyǵyn qamtamasyz etý úshin kadrlar daıarlaý sheńberinde tehnıkalyq baǵyttar boıynsha bilim berý tapsyrysy 60%-ǵa deıin, al memlekettik tapsyrys kólemi 10%-ǵa ulǵaıtyldy.
Stýdentterdi jataqhanamen qamtamasyz etý jospary boıynsha 10 myńnan asa tósek orynǵa arnalǵan 43 jańa jataqhana qosyldy. Mańǵystaý oblysynda – 500 oryndyq 1 jataqhana paıdalanýǵa berildi.
Qazaqstan Respýblıkasynyń Prezıdenti Q. Toqaevtyń tapsyrmasyn iske asyrý úshin 2025 jylǵa qaraı biz jetekshi sheteldik joǵary oqý oryndarynyń 5 fılıalyn ashý boıynsha jumys júrgizilip jatyr. Qazirdiń ózinde 5 ýnıversıtettiń fılıaldary, onyń ishinde, Esenov ýnıversıtetinde Qazaq-Nemis turaqty ınjenerııa ınstıtýty ashyldy.
Nemis ýnıversıtetter konsorsıýmy aıasynda ashylǵan jańa ınstıtýt Mańǵystaý óńirinde tehnıkalyq ónerkásiptiń ártúrli salalarynda jumys isteıtin mamandardy daıyndaýǵa múmkindik berip, suranysqa ıe kadrlardy daıarlaýǵa, ǵylymı zertteýlerge, jańa tehnologııalardy damytýǵa, sonyń ishinde jasyl sýtegi óndirisi salasyna óz úlesin qosady.
Jastardy ǵylym salasyna tartý maqsatynda sońǵy úsh jylda ǵylymdy qarjylandyrý 70%-ǵa ósti. Eger buryn granttyq jáne nysanaly qarjylandyrýǵa arnalǵan baıqaýlar úsh jylda bir ret jarııalansa, endi jyl saıyn ótkiziledi. Granttyq qarjylandyrýǵa arnalǵan jalpy konkýrstyń kólemi aldyńǵy konkýrstarmen salystyrǵanda 1,5 esege ulǵaıdy», dep atap ótti Darhan Jumaqanuly.
Vıse-mınıstrdiń aıtýynsha, azamattarǵa joǵary bilimdi qoljetimdi etýdiń qosymsha tetigi retinde «Keleshek» biryńǵaı ortaq jınaqtaý júıesin, saralanǵan granttar men jeńildetilgen kredıtteýdi engizý jóninde sharalar qabyldanýda.
Mańǵystaý óńiriniń turǵyndary Darhan Jumaqanulyna jastardy ǵylymǵa tartý, aımaqtyq jas ǵalymdardy qoldaý jáne t.b. ózekti máseleler boıynsha suraqtar qoıdy.
«Jas ǵalymdardy qoldaý jáne talantty jastardy ǵylymǵa tartý biz úshin basym baǵyt bolyp tabylady. О́tken jyly QR Ǵylym jáne joǵary bilim mınıstrligi 2023-2025 jyldarǵa arnalǵan ǵylymı-tehnıkalyq jobalar boıynsha granttyq qarjylandyrýǵa baıqaý jarııalady. Baıqaý «Jas ǵalym» ulttyq jobasy aıasynda jas mamandardy qoldaýǵa baǵyttalǵan, oǵan 86 mıllıard teńge bólindi.
«Sıfrlandyrý, ǵylym jáne ınnovasııa esebinen tehnologııalyq serpilis» ulttyq jobasy men QR ǵylymyn damytý tujyrymdamasynda ǵalymdar sanyn 50%-ǵa arttyrý mindeti qoıyldy. Bul kezeńde jas ǵalymdardy qoldaýǵa jáne talantty jastardy ǵylymǵa tartýǵa basymdyq berilýi kerek. Postdoktoranttardy qoldaý maqsatynda «Jas ǵalym» jobasy sheńberinde myń grant bólýge konkýrs ótkiziletin bolady.
Sonymen qatar Qazaqstanda jas ǵalymdarǵa arnalǵan ıpotekalyq baǵdarlama iske qosyldy» - dep jaýap berdi vıse-mınıstr.
Esenov ýnıversıtetiniń qyzmetkeri E.Týrgenbaev Qazaqstannyń tehnıkalyq mamandyqtary úshin granttardy bólýde jáne resýrstardy shoǵyrlandyrýda teńgerimsizdik máselesine toqtalyp, óńirlik ýnıversıtetterge memlekettik granttardyń sanyn kóbeıtý týraly usynys aıtty.
Vıse-mınıstr jaýabynda óńirlerde mamandar daıarlaý baǵytynda bólinetin memlekettik granttar aldaǵy ýaqytta mamandar qajettiligi týraly Atlas boıynsha josparlanatyny týraly bólisti.
Is-shara sońynda Darhan Ahmed-Zakı oblys azamattaryn jeke qabyldap, olarǵa joǵary bilim men ǵylym máseleleri boıynsha pikirlerin bildirýge múmkindik berdi.
