Foto: primeminister.kz
Qarmet-ke qatysty qabyldanǵan jedel sheshimderdiń arqasynda jeltoqsan aıynda kásiporynda óndiris kólemi ósip, ferroqorytpa men kómir qory artqan. Daıyn ónimdi jóneltý qaıta jandanyp otyr.
Kásiporyn qyzmetin turaqtandyrýǵa 28,6 mlrd teńge jeke ınvestısııa tartylyp, eńbekaqy ýaqtyly berile bastaǵan. Sondaı-aq salyq, MÁMS tólemderi de júrgizilip jatyr.
Otyrys barysynda qatysýshylar kombınatty qajetti shıkizatpen qamtamasyz etý, daıyn ónim eksportyn qoldaý salyq salý, anyqtalǵan ekologııalyq máselelerdi joıý jáne basqa da birqatar máseleni talqylady.
2024 jyly Qarmet aldyndaǵy negizgi mindetter retinde jumysshylardyń qaýipsizdigin qamtamasyz etý, óndiris kólemin ulǵaıtý, jańa ınvestısııalyq kelisimsharttar jasasý jáne ónimsiz shyǵyndardy azaıtý, t. b. arqyly ónimniń ózindik qunyn tómendetý máseleleri qoıyldy.
Jalpy jańa bıznes-model aıasynda aldaǵy jyldary óndiristi jańǵyrtý jáne qaıta uıymdastyrý, qaýipsizdik kórsetkishteri men ekologııalyq jaǵdaıdy túbegeıli jaqsartý (atap aıtqanda, gazǵa kóshý), shyǵarylatyn ónim nomenklatýrasyn qaıta qaraý jáne t. b. sharalar qabyldanady.
Premer-mınıstr memlekettik organdar kombınattyń ózekti máselelerin sheshýde qajetti qoldaý kórsetýi kerek ekenin atap ótti. Osyǵan baılanysty Álıhan Smaıylov bir apta ishinde eń basym mindetter boıynsha qajetti sheshimderdi qabyldaýdy tapsyrdy.
