Foto: vıdeodan skrın
Habar barysynda Jánibek kózine jas alyp qaldy.
Osyǵan qatysty Jánibekke anasyn tabýǵa aqparattyq jáne jan-jaqty qoldaý bildirip otyrǵan jýrnalıst Qymbat Dosjan pikirimen bólisti.
«Áıel qujattaǵy aty-jóndi oıdan qurastyryp jazyp ketkenin moıyndap otyr. О́kinishtisi saraptama nátıjesi boıynsha ol áıel Jánibektiń anasy bolmaı shyqty. Resmı qujattaǵy búkil málimetti moıyndap, qabyldap otyrǵan adamnyń synama nátıjesi bulaı shyqqany túsiniksiz jaǵdaı. Ekinshi kúdigimiz: perzenthanada nemese Jánibek 2 jyl boıy tárbıelengen Balalar úıinde balalar aýysyp ketken. Endi suraq – bala aýysyp ketse, biz taýyp otyrǵan Jazıranyń uly qaıda?!», dep túıindedi habardyń júrgizýshisi Qymbat Dosjan.
Sonymen qosa tabylǵan kelinshek Arqalyqtyń adamy emes, Arqalyqqa basqa jaqtan bir tanysynyń úıine barǵanyn jáne beıresmı derekterde aıtylyp júrgen «Ásel» degen adamnyń jalǵan ekenin aıtqan.
Jánibek teris nátıjege qaramastan izdeýdi jalǵastyrýǵa bekinip otyr. Baǵdarlama ujymy da tabylǵan kelinshek pen Jánibek basqa klınıkanyń laboratorııasyna ekinshi ret test tapsyrýǵa kelisim berip otyrǵanyn aıtyp, izdeý jalǵasatynyn habarlady.
Aıta keteıik, qurmetti oqyrman, osy oqıǵaǵa qatysty biletin málimetterińiz bolsa, «Barmysyń, baýyrym?» baǵdarlamasynyń redaktory Ásel Asqarqyzyna qupııa túrde jazýǵa bolady: +77713219786.
