Elaralyq mańyzdy joba

R.Sklıar elimizdiń QHR-men, atap aıtqanda, Qytaı ulttyq mu­naı-gaz korporasııasymen stra­te­gııa­lyq áriptestiginiń mańy­zyn atap ótti. CNPC – álem­degi eń iri munaı kompanııa­lary­nyń biri, sondaı-aq Qazaq­stannyń buryn­nan kele jatqan stra­tegııalyq jáne ınvestısııalyq seriktesi.

Hoý Sıszıýn óz kezeginde CNPC Qazaqstanmen yntymaq­tas­tyqqa úlken mán beretinin atap ótti. Eki Memleket basshylary qol jetkizgen mańyzdy ýaǵdalastyqtardy basshylyqqa ala otyryp, kompanııa energetıka salasyndaǵy ekijaqty ózara is-qımyldyń aýqymyn keńeıtýge jáne Qytaı-Qazaqstan keshendi strategııalyq áriptestiginiń tereń damýyna úles qosýǵa umtylady.

Qazaqstan Úkimeti bıylǵy mamyr aıynda Qazaqstan Prezıdenti Qasym-Jomart Toqaevtyń QHR-ǵa memlekettik sapary kezinde Energetıka mınıstrligi men CNPC arasynda jasalǵan Energetıka salasyndaǵy strategııalyq yntymaqtastyqty keńeıtý týraly negizdemelik kelisim aıasyndaǵy naqty jobalar boıynsha tyǵyz jumys istep jatyr.

Shymkent MО́Z-diń óndi­ristik qýatyn keńeıtý, «Beıneý – Bozoı – Shymkent» gaz quby­rynyń ekinshi jelisin salý, bir­lesken geologııalyq barlaý jáne t.b. máseleler pysyqtalyp jatyr. Taraptar kóptegen baǵyt boıynsha oń nátıje bar ekenin atap ótti. Úkimet tarapynan osy jobalardy tıimdi túrde iske asyrý úshin barlyq qajetti shara qabyldanatyn bolady.

Sondaı-aq yntymaqtastyqty nyǵaıtý aıasynda Roman Sklıar men CNPC basshysy Hoý Sısz­ıýn osyndaı kezdesýlerdi turaq­ty negizde ótkizip otyrýǵa kelisti.