Joǵary bilim – bul kásiptik nemese orta bilimniń joǵary deńgeıi. Kóptegen elderde joǵary bilim ómirde maǵynaly nársege qol jetkizgisi keletinder úshin mindetti bolyp tabylady. D.Serikbaev atyndaǵy ShQTÝ - bul óńirdegi ekonomıkanyń qaryshtap damýy jáne oǵan degen ınjenerli-tehnıkalyq mamandardyń qajettiligin toltyrýdy, naǵyz maman ıesi bolýdy qamtamasyz etetin biregeı oqý oryny.
Ýnıversıtettiń joǵary bedeli men sapaly bilim berý baǵdarlamalary ýnıversıtetti sheteldik stýdentter úshin tartymdy etti. JOO-da álemniń 8 eliniń stýdentteri oqıdy. ShQTÝ Germanııa, Polsha, Vengrııa jáne Reseı ýnıversıtetterimen eki dıplomdyq baǵdarlama boıynsha bilim berýdi qamtamasyz etedi. Bilim berý baǵdarlamalary halyqaralyq akkredıtteýden ótip, ýnıversıtet dıplomy shetelde tanyldy. ShQTÝ QS álemdik reıtınginde tórt juldyzǵa ıe boldy. Ýnıversıtet Green Metric álemdik reıtınginde turaqty kóshbasshy bolyp tabylady jáne The Impact reıtınginde joǵary baǵalanady.
ShQTÝ Nemis Joǵary oqý oryndarymen alıansta Qazaqstan-Nemis ǵylym jáne tehnologııalar ınstıtýtyn qurdy.
Kásiporyndar men seriktester birlesip, ýnıversıtet CDIO halyqaralyq standarttary negizinde ınjenerlik kadrlardy tájirıbege baǵdarlanǵan daıarlaýdy júzege asyrady (ShQTÝ – bul bastamaǵa qabyldanǵan Ortalyq Azııadaǵy birinshi joǵary oqý orny). Sondaı-aq, qazir joǵary oqý ornynyń qyzmetkerleri men ǵalymdarynyń komandasynda halyqaralyq standarttarǵa negizdeletin respýblıkalyq aýqymdaǵy «Tehnıkalyq bilim berýdiń ulttyq modeli» atty úlken joba ázirlenip jatyr.
Qazaqstan Prezıdenti – Qasym-Jomart Toqaevtyń tapsyrmasy boıynsha ShQTÝ bazasynda taý-ken metallýrgııa salasy úshin osyndaı ortalyq qurylady. Sondaı-aq, ýnıversıtet bazasynda elimizdiń joǵary oqý oryndaryna keıinnen translıasııalaý úshin «Sıfrlyq ýnıversıtet modeli» iske asyrylyp jatyr. ShQTÝ bazasynda «Energetıka» baǵyty boıynsha О́skemen JEO fılıalyn ashty. Oǵan «Jylý energetıkasy» jáne «Elektr energetıkasy» bilim berý baǵdarlamalary boıynsha tórt oqý aýdıtorııasy kiredi, sondaı-aq JEO-da oqý polıgony, syzbalary, kórneki quraldary, tehnıkalyq jáne kásibı ádebıetteri bar kitaphana bar.
Sonymen qatar bizdiń JOO-da jeltoqsan aıynda Memleket basshysynyń tapsyrmasy boıynsha Lý Ban sheberhanasy ashyldy. Buǵan deıin Qazaqstan Respýblıkasynyń Prezıdenti Qasym-Jomart Toqaevtyń «Ortalyq Azııa – Qytaı» sammıti aıasynda Qytaı Halyq Respýblıkasyna jasaǵan sapary barysynda memlekettik deńgeıde ShQO ákimdigi men QHR Tıanszın qalasynyń halyq úkimeti arasynda «Lý Ban sheberhanasyn» qurý týraly kelisimge qol qoıyldy, sondaı-aq D.Serikbaev atyndaǵy Shyǵys Qazaqstan tehnıkalyq ýnıversıteti jáne Tıanszın kásibı ınstıtýty arasynda osy sheberhanany qurý týraly kelisimge qol qoıyldy.
Joba Qazaqstan men QHR arasyndaǵy qoldanbaly tehnologııalar jáne joǵary tehnıkalyq bilim berý salasyndaǵy yntymaqtastyqty odan ári nyǵaıtýdy, sondaı-aq «Bir beldeý - bir jol» bastamasyn qoldaýdy kózdeıdi.
ShQTÝ – bul dástúrler men ınnovasııalardyń tandemi, ıntegrasııalanǵan bilim, ǵylym jáne ındýstrııa arqyly joǵary tehnologııalyq bolashaq.
