Foto: POLICE_of_KZ
«2 qańtarda saǵat 17.00-de ol óziniń aýylyna jaıaý shyǵyp, qyzdaryn Jańa jylmen múmkindiginshe tezirek quttyqtaǵysy kelgen. Aýa raıynyń qolaısyzdyǵynan adasyp ketip, tústen keıin boran bastalyp, aıaz kúsheıe tústi. Habarlama túsken boıda polısııa bólimimen izdeý sharalary uıymdastyryldy.
Adasqan aýyl turǵynyn izdeýge Jańaarqa aýdany polısııa bóliminiń barlyq jeke quramy, TJB qyzmetkerleri jáne S.Seıfýllın aýylynyń turǵyndary jappaı kiristi. Sondaı-aq tehnıka, jol talǵamaıtyn kólikter, qarda júretin kólikter tartyldy. Sátti uıymdastyrylǵan izdestirý sharalary nátıjesinde túngi saǵat 03.00 shamasynda er adam S.Seıfýllın aýylynan 40 shaqyrym qashyqtyqta tabyldy. Onyń aıtýynsha, boran bastalǵannan keıin ol jol baǵdaryn joǵaltyp, adasyp ketken», dep jazylǵan aqparatta.
Qarly boranda baǵdarynan adasqan turǵyn toqtaýsyz 10 saǵat júrgendikten de aıazǵa urynbaǵan. Dárigerler onyń densaýlyq jaǵdaıyn qanaǵattanarlyq dep otyr.
