Bastysy, kitaphanada bilim berý baǵyttaryna qoljetimdilik bar. Qordy saqtaýǵa arnalǵan qaýipsizdik quraldary men RFID-japsyrmalary ornatylǵan. Erekshe stýdentterdiń de jaǵdaıy eskerilgen. Olarǵa arnalǵan ústel men ortopedııalyq oryndyqtar bar. Ozyq tehnologııaǵa saı jabdyqtalǵan kitaphana qaladaǵy pedagogterge de, oqyrman qaýymǵa da qyzmet kórsetedi. Kitaphana qory da baı.
«Kitaphananyń ashylýy – pedagogıka fakýltetiniń stýdentteri men oqytýshylaryna úlken olja. Jańa ortalyq bilim almasý, dıalog alańy, oqytýshylar men stýdentterdiń ashyq túrde ózara pikir almasý orny bolady dep senemiz», deıdi ýnıversıtettiń prorektory Sáýle Saǵyntaeva.
Kitaphana aýmaǵy 400 sharshy metrdi quraıdy. 53 myń kitap qory bar. О́ner, dızaın, ádisteme quraly, pedagogıka salasy boıynsha kitaptar jınaqtalǵan. «Arnaıy abonementpen, elektrondy resýrstar zalymen jabdyqtalǵan. Oqý kitaphanamyzdyń basqalardan aıyrmashylyǵy – Qaraǵandy qalasy mektepteriniń muǵalimderine de qyzmet kórsetedi. Oqyrman ýnıversıtettiń ID kartasy arqyly kitaphanaǵa kele alady», deıdi ǵylymı kitaphana dırektory Gaýhar Ábdiǵulova.
Ýnıversıtet bazasynda bıologııa-geografııa jáne tarıh fakýltetinde de dáp osyndaı eki kitaphana jumys istep tur.
Qaraǵandy oblysy
