Foto: ashyq derekkóz
О́ńirlerde qyzylshaǵa qarsy ımmýnızasııany kúsheıtý jónindegi sharalar týraly Qaraǵandy oblysynyń ákimi Ermaǵanbet Bólekpaev pen Qostanaı oblysynyń ákimi Qumar Aqsaqalov aıtyp berdi.
Premer-mınıstr monıtorıng qorytyndysy boıynsha ótken jyly eń qaýipti ınfeksııalarmen aýyrǵan naýqastar tirkelmegenin aıtty. Bul rette keń taralǵan vırýstyq ınfeksııalar boıynsha da kórsetkishter tómendedi.
«Tek ótken jyldan beri elimizde qyzylshamen aýyrǵandar sany aıtarlyqtaı ósip ketti. Ol sońǵy 10 jylda bolmaǵan kórsetkishke jetip otyr. Olardyń 80%-ǵa jýyǵy – 14 jasqa deıingi balalar. Aýyrǵandardyń kópshiligi – tıisti ekpe almaǵandar», dedi Álıhan Smaıylov.
Sonymen qatar Úkimet basshysy ekpe almaǵan naýqastardyń aýrýy asqynyp ketý qaýpi joǵary ekenin aıtty. Degenmen ata-analardyń arasynda balalaryna ekpeni ádeıi salǵyzbaı, bas tartyp otyrǵandardyń qatary az emes, munyń sońy aýyr zardaptarǵa alyp kelýi múmkin.
«Jaǵdaıdy turaqtandyrýdyń jalǵyz joly – ekpe salý. Qyzylshaǵa qarsy jappaı ımmýnızasııa júrgizý úshin qosymsha 1,5 mln doza vaksına satyp alyndy. Osy maqsattar úshin Úkimet ótken jyldyń qyrkúıek aıynda rezervten 3 mlrd teńgeden astam qarajat bóldi. Alaıda kórip otyrǵanymyzdaı, keıbir óńirlerde qyzylshaǵa qarsy ımmýnızasııamen qamtý deńgeıi áli de tómen», dedi Premer-mınıstr.
Osyǵan baılanysty Álıhan Smaıylov qyzylshaǵa qarsy vaksınalaý jumystaryn kúsheıtýdi, sondaı-aq basqa da profılaktıkalyq ekpelermen vaksınalaýdy jandandyrýdy tapsyrdy.
«Jol qatynasy qıyn jáne shalǵaıdaǵy aýyl turǵyndaryn vaksınalaý úshin jaǵdaı jasaý kerek», dedi Úkimet basshysy.
Sondaı-aq ol medısına qyzmetkerleriniń jaýapkershiligin arttyra otyryp, ásirese aýyldyq jerlerge jetkizý kezinde vaksınalardy saqtaý men tasymaldaýdyń tıisti rejımin qamtamasyz etý qajettigin aıtty.
«Baspasózde jáne áleýmettik jelilerde vaksınasııaǵa qatysty ádeıi jalǵan aqparattyń taralýyna monıtorıng júrgizip, olardyń aldyn alý kerek. Ýchaskelik deńgeıdegi medısına qyzmetkerleri ata-analarǵa profılaktıkalyq ekpeniń balalar úshin mańyzdylyǵy men qaýipsizdigi týraly túsindirý jumystaryn júrgizýi tıis», dep túıindedi Premer-mınıstr.
