Marqakólde qys qatty

Qar basqan túni «OblShyǵysJol» JShS qyzmetkerleri jeti tehnıka jumyl­dyrǵanymen, eki metrge jýyq túsken qardy arshyp alý qı­ynǵa soq­qan. Tonna tartatyn traktor­lar­dyń ózine des bermegen soń oblys ortalyǵynan taǵy da qosymsha tehnıkalar jolǵa shyqqan...

Qar qursaýy kólik qozǵalysyn shektep qana qoımaı, shalǵaı aýyl­daǵy naýqasqa asyqqan medısına qyzmetkerleriniń de qolyn baılady. Oblystyq densaýlyq saq­taý basqarmasynyń málimetine súıen­­sek, Tósqaıyń aýylynyń 71 jas­­taǵy turǵyny ıshemııalyq ınsýlt alǵan. Jedel járdem jete al­maǵan, tikushaqtyń ushýyna da tyıym salynǵan. Sondyqtan pasıentke kómek der kezinde kórsetý múmkin bolmaǵan. Tósqaıyń aýylyndaǵy aýyr naýqasty aman alyp qalý úshin amal joq emes edi. Medısınalyq kó­mek kórsetý úshin 16 qańtar kú­ni oblystyń bas reanımatologi, sanıtarlyq avıasııanyń feldsheri tik­ushaqpen Tósqaıyńǵa tartqan. Áýelde dárigerler qar betimen jor­ǵalaıtyn kólik minip, jolǵa shyqqan.

«Keshe sanavıasııanyń bas rea­nımatologi, feldsheri tótenshe jaǵ­daı­lar departamentiniń jol tal­­ǵamaıtyn kóligine minip, jol­ǵa shyqqan. Uranhaı aýylyna jet­kenimen, ári qaraı taǵy 65 shaqyrym jol ońaıǵa soqpaǵan. Búgin, ıaǵnı 16 qańtar kúni medısına qyzmetkerleri kómek apara jatqan tikushaqpen jetip, 71 jastaǵy naýqasty О́skemenge jet­kizdi. Dárigerler oblys­tyq aýrýha­nada qajetti em-domdy jasaıdy. Naý­qas birqalypty aýyr halde», dep málimdedi densaýlyq saqtaý basqar­masynyń mamandary.

Iá, qatardaǵy kólikterdi qoıyp, TJD-niń jol talǵamaıtyn kólikteri de qalyń qardan júre almaı, kidirip qalǵan. Soǵan qaramastan jaýapty oryndar tabıǵattyń tosyn mine­zimen kúresip, joldy qardan arshý jumystary úzdiksiz júrgizilip jatyr. Keıbir jerlerde qardyń qalyńdyǵy 2 metrge jetken. Qardyń túsý nor­masynyń asyp ketýin jáne eldi mekenderge kó­lik qatynasynyń bolmaýyn eskere otyryp, Kúrshim aýdanynyń ákimdigi jer­gilikti aýqymdaǵy tabıǵı sıpattaǵy tó­tenshe jaǵdaı jarııalady. ShQO kólik jáne avtomobıl joldary basqarmasy mamandarynyń derekteri boıynsha jol júrýdi qamtamasyz etý úshin qo­symsha tehnıka jóneltildi. Qazirgi ýaqytta arnaıy tehnıkanyń 24 birligi jumyldyrylǵan. Alaıda boranǵa baılanysty jumys isteý áli qıyndyq týdyryp tur. Sondaı-aq Kúrshim aýdanyna qajetti kómek kórsetý úshin ShQO boıynsha TJ de­partamentiniń joǵary ótpeli tehnıkasy keldi.

– Qar mólsheri óte kóp. Onyń ústine jel men qardyń ylǵaly jumysqa kedergi keltirip tur. Marqakól orman sharýa­shylyǵynyń tehnıkasy kúrep ótken joldy qaıta qar basyp qalmaýy úshin kún-tún demeı kúrep jatyr. Shanaǵatyda kún raıyna baılanysty elektr jelisi sónip qalǵan. Ony «Altaıenergo» mamandary qalpyna keltiredi. Marqakól – Tósqaıyń ara­syndaǵy jol boıynda tehnıkalar tynymsyz jumys júrgizip jatyr. Turǵyndar túsinistik tanytyp, sabyr saqtasa eken, – deıdi Kúrshim aýdany ákiminiń orynbasary Qaırat Ázimbaev.

Marqakól jáne Tósqaıyń aýyldyq okrýgteri mektepteriniń oqýshylary 8 qańtardan bastap qashyqtan oqytý formatyna aýystyryldy. Aıtyp ótken­deı, okrýgterdiń turǵyndaryna qajetti azyq-túlik pen dárilik zattardy jetkizý úshin tikushaq jiberildi. Jaǵdaı – jergilikti atqarýshy or­gandardyń baqy­laýynda.

Shyǵys Qazaqstan oblysy,

Marqakól aýdany