Qoǵam • 22 Qańtar, 2024

«Qazaqstanǵa kele qoımas, kelse de kire almaıdy»: SIM resmı ókili Tına Kandelakı týraly

1570 ret

kórsetildi

1 mın

oqý úshin

Reseılik jýrnalıst Tına Kandelakı óziniń Telegram-paraqshasynda Qazaqstandaǵy temirjol stansııalarynyń ataýyn ózgertý sheshimine oraı Qazaqstanda orys tiliniń qoldanylý aıasy tym shektelip jatqanyn jazǵan edi. Ol «Ýralsk» ataýynyń – «Oral», «Ýzen» ataýynyń «Jańaózen» dep ózgerýi kúmán týdyrady dep jazdy. Tına Kandelakıdiń osy áreketine oraı Qazaqstanda qandaı shara qoldanylatynyn Syrtqy ister mınıstrliginiń resmı ókili Aıbek Smadııarov aıtyp berdi, dep jazady Egemen.kz.

Dana MYRZAQADIR

«Qazaqstanǵa kele qoımas, kelse de kire almaıdy»: SIM resmı ókili Tına Kandelakı týraly

Foto: instagram.com/tina_kandelaki

Syrtqy ister mınıstrliginiń resmı ókili til týrasynda áleýmettik jelide qyrqysýdy qoıýǵa shaqyryp, durys aqparat taratýdy surady. Sondaı-aq ol jýrnalıstiń endi Qazaqstanǵa kire almaıtynyn aıtty.

«Sizge bireý unamasa, úıińizge kirgizbeısiz ǵoı. Týra sol sııaqty biz de kirgizbeımiz. Kerek kezde shara qabyldanady. Ony naqty «búgin kirgizdińizder me, erteń kirgizesizder me» dep talap etpeńizder. Memleket ondaıdy eshqashan keshirmeıdi. Ol Qazaqstanǵa kele qoımas, kelgen jaǵdaıda kire almaıdy», dedi Aıbek Smadııarov.