Foto: azh.kz
Dál qazir Almaty qalasynda 384 halyqty qabyldaý pýnkti jumys istep tur. Sondaı-aq 8 727 278 20 83, 8 727 278 20 84 nomerleri boıynsha jedel jeli baılanysy iske qosylǵan.
Brıfıng barysynda seısmolog mamandardan taıaý ýaqytta Almaty qalasynda taǵy qýatty jer silkinisi qaıtalana ma dep suraldy. Saýalǵa Seısmologııalyq ınstıtýt dırektory Dáýlet Sársenbaev jaýap berdi.
«Keshe túnde 4-5 baldyq jer silkinisi tirkeldi. Osy mezette qatar jer silkingen shekaralas Qytaı, Qyrǵyzstan elinde jerasty 100-ge jýyq dúmpý bolǵan. Bizde bul kórsetkish - 5 aftershok shamasynda. Taıaý ýaqytta qýaty mundaı jer silkinisi 100 paıyz bolmaıdy. Byltyr Túrkııa-Sırııa aımaǵynda bolǵan jer silkinisinen keıin áli kúnge jerasty dúmpýleri tirkelip jatyr. Bizdiń elde de solaı bolýy yqtımal. Alaıda mundaı dúmpýlerdiń qýaty sezilmeıdi», dedi Dáýlet Sársenbaev.
