Biryńǵaı testileý bastaldy

Qazirgi tańda mektep bitirýshi túlekter joǵary oqý oryndaryna túsý úshin UBT-ny bes ret tapsyratyny belgili. Sonyń alǵashqysy – qańtar aıyndaǵy synaq. Talapkerler bul jol­ǵy sertı­­fıkatpen memlekettik grant­qa qatysa almaıdy, biraq shek­tik baldan assa, aqyly oqýǵa túsý­ge múmkindik bar. Sonymen qatar testileýdiń qalaı ótetinin kórip, aýanyn sezinip, bilimin bir py­syq­tap­ alýǵa taptyrmas sát.

– Qańtar aıyndaǵy UBT-nyń birinshi aptasy aıaqtaldy. Testileý 10 aqpanǵa deıin jalǵasady. Tes­ti­­leýge qatysýǵa 136 myń óti­nish kelip tústi. Olardyń ba­sym bóligi, atap aıtqanda, 19%-y­ «Matematıka-Fızıka» pán­der­ kombınasııasyn, 14%-y «Bıo­lo­gııa-Hımııa» kombınasııasyn tańdaǵan. Eń az tańdalǵan kombı­na­sııa – «Hımııa-Fızıka», ony 22 adam tapsyrǵan, – dedi Ulttyq tes­ti­leý ortalyǵynyń dırektory Rýslan Emelbaev.

Grantqa yntaly ár talap­ker­diń maqsaty joǵary ball alý ekeni anyq. Al joǵary upaı alý úshin árıne, joǵary deńgeıdegi daıyndyq kerek.

– 11-synyp oqýshylary qańtar aıyndaǵy synaqtyń nátıjesinde bilim deńgeıin bilip, testileýdiń qandaı bolatynyn sezinedi. Túlekterdiń kóbi bul jolǵy testi­leý­den keıin birden es jıyp, daıyn­dyqqa bilek sybana kirisedi. Muǵalim retinde aıtarym, UBT tapsyrý jyldan-jylǵa jańa formatqa aýysyp, aka­de­mııalyq adaldyq jaqsy saq­ta­­lyp, jańa deńgeıge kóterilip kele jatyr. Qańtar aıyndaǵy tes­ti­leý – oqý­shylardy naǵyz UBT-ǵa tyń­ǵy­lyqty daıyndalýǵa serpin beredi. Son­dyq­tan oqýshylaryma «Kóp alsań tasyma, az alsań jasyma» dep jıi aıtamyn, – deıdi Astana qalasyndaǵy JUZ40 EDUCATION bilim berý­ ortalyǵynyń muǵalimi Nılıýfar Qalmenova.

Sonymen qatar alǵashqy sy­naq­ty tapsyryp shyqqan oqý­shy­­­­lar­dyń da pikirine qulaq sal­dyq. Olar kameranyń aldynda birinshi ret tapsyrǵandyqtan qat­ty­ qobaljyǵandaryn jasyrmady. Tipti daıyndyqty 11-synyp­ta bastaǵandyqtan, ótpe­gen taqy­ryp­tar­dyń sura­ǵy­nan múdirgenderin de ashyq aıtty. Biraq bul testileý kelesi UBT-ǵa júıeli túrde jaq­sy­lap daıyndalý kerektigin anyq uq­tyrdy desti olar.

Al daıyndalamyn degen oqý­shy­ǵa múmkindik kóp. Atap aıtsaq, 2024 jylǵy túlekterge bilim berý ortalyqtarynyń qoldaýymen tegin onlaın sabaqtar júrgizilip jatyr. Bul sabaqtar bilim berý ortalyqtarynyń YouTube arnalarynda tikeleı efırde ótip, saqtalady. Talap­ker­ler kez kelgen ýaqytta olardy qaıta qaraı alady. Al endi bilimine emes, smartfonǵa sengen oqýshylarǵa tártip qatal. Qazirdiń ózinde 12 talapker smartfon, shpargal­ka­ jáne basqa da ty­ıym salyn­ǵan zattardy alyp ótý áreketi sal­darynan test tapsyrý múm­kin­diginen aıyryldy. Testi­leý kezinde erejelerdi buz­­ǵany úshin aýdıtorııadan 5 adam shyǵa­ry­lyp, olardyń nátı­je­leri joıyldy.

Aıta keteıik, 2024 jylǵy UBT aıaqtalǵannan keıin kúntiz­be­lik jyldyń 31 qazanyna deıin testileýdiń beınejazbalaryna taldaý júrgiziledi. Tyıym sa­lyn­­ǵan zattardy paıdalaný nemese erejelerdi buzý faktileri anyq­talǵan jaǵdaıda talapkerdiń nátıjeleri jo­ıylady.

Bekzat QULShAR,

L.N.Gýmılev atyndaǵy EUÝ stýdenti