Foto: police_ _astana, ınstagram.
Elordalyq mektep muǵalimi polısııaǵa 9-synyp oqýshysynyń úziliste basqa oqýshylarǵa mektep qabyrǵasynda zańsyz áreketterdi jasaýǵa shaqyratyn is-sharalar týraly paraqshalar taratyp jatqanyn baıqaǵany týraly polısııany qulaǵdar etken. Oqıǵa ornyna jedel-tergeý toby dereý jetken. Mán-jaıdy anyqtaǵan kezde jasóspirim ázil úshin kompıýterde mátin jazǵanyn jáne paraqshalardy basyp shyǵarǵanyn moıyndaǵan.
Sonymen qatar oqýshynyń zańdy ókilderine qatysty «kámeletke tolmaǵan adamdy tárbıeleý jáne (nemese) oǵan bilim berý, onyń quqyqtary men múddelerin qorǵaý jónindegi mindetterdi oryndamaýy» QR ÁQBtK-niń 127-baby boıynsha ákimshilik is qozǵaldy. Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń sheshimimen kámeletke tolmaǵannyń anasyna aıyppul salyndy.
Polısııa departamenti mundaı áreketter úshin qylmystyq jaýapkershilik 14 jastan bastalatynyn eske salady. Balalardy tárbıeleý boıynsha tıisti sharalardy qabyldamaǵany úshin ata-analar qoldanystaǵy zańnamaǵa sáıkes ákimshilik jaýapkershilikke tartylady.
