Foto: senate.parlam.kz
El ekonomıkasynyń aldynda aıqyn maqsattar turǵanyn jazǵan Senat Spıkeri batyl sheshim men nyq qadam jasaý ýaqyt talaby ekenin eske saldy.
«Búgin Memleket basshysynyń Jarlyǵymen Oljas Bektenov elimizdiń Premer-Mınıstri bolyp taǵaıyndaldy. Oljas Abaıuly - eldik múdde jolynda jaýapty laýazymdardy abyroımen atqaryp kele jatqan tájirıbeli memlekettik qyzmetshi. Sondyqtan ol jańa qyzmette ózine júktelgen mańyzdy mindetterdi múltiksiz oryndaıdy dep senemiz jáne soǵan tilektestigimizdi bildiremiz.
Prezıdent Qasym-Jomart Kemeluly Toqaev atap ótkendeı, qazirgi tańda el ekonomıkasynyń aldynda aıqyn maqsattar tur. Bul baǵyttaǵy bastamalardy júzege asyrý úshin batyl sheshimder men naqty ister qajet ekeni de aıtyldy. Osy rette Parlament Senaty Memleket basshysynyń tapsyrmalaryn sapaly ári ýaqtyly oryndaý úshin Úkimetpen árdaıym qoıan-qoltyq jumys isteýge daıyn ekenin atap ótkim keledi», degen M.Áshimbaev Úkimet basshysyna jańa qyzmette sáttilik tiledi.
