Erlik eshqashan umytylmaıdy

Qabyrǵany qaıystyrar sol soǵysty 22 296 otandasymyz basynan ótkizse, onyń 927-si qaza taýyp, 19-y habarsyz ketti. Myńdaǵan adam múgedek bolyp oraldy. Kúni keshe Astanada «Tayelsiz Qazaqstannyn Halyq Batyrlary» qoǵamdyq birlestigi uıymdastyrǵan baspasóz máslı­ha­tynda bul týraly maı­dan­­das dos­taryn eske alǵan arda­ger­lerdiń ózderi aıtyp berdi. Olardyń aı­týynsha, otan­das­tarymyzdyń beseýi Keńes Oda­ǵy­nyń Batyry ataǵyn, bireýi Halyq qaharmany ata­ǵyn alsa, ekeýi «Aıbyn» orde­ni­­niń ıegeri boldy. Júzdegen áske­rı qyz­met­ker burynǵy KSRO jáne Qazaq­stan Respýblıkasynyń orden­deri jáne medaldarymen mara­pat­talǵan.

Birlestik basshysy Baqytjan Ertaev: «Aýǵan soǵysy tarıhqa aınaldy. Biraq sonda da óliler men tirilerdiń úni bárimizdi áli kúnge alańdatady. Jaqyndarynan aıyrylǵandar úshin, jastyq shaǵyn soǵys pen ystyq aýǵan kúninde kúıdirgender úshin joǵal­tý­ azaby, tiriniń aýyrsynýy olar­dyń ómiriniń sońyna deıin sozylady», dedi.

Otanyna oralǵan ınter­­na­sıonalıst-jaýyn­ger­ler sheneý­nik­terdiń túsinis­peý­shiligi men qoǵamnyń nemqu­raı­dy­ly­ǵyna tap bolǵan. Sondyqtan 80-jyldary Aýǵanstannan oralǵan jas­tardy qoldaý maqsatynda ardagerler odaqtary quryla bas­tady. Soǵys otynan oralǵan jigitter kásipodaqtardan óz ornyn tapty, olarǵa jan-jaqty qoldaý kórsetildi. Búginde jas urpaqty óz jerine, halqyna patrıottyq rýhta tárbıeleý – ardagerler qozǵalysynyń basty baǵyttarynyń biri. Jyl saıyn 15 aqpan men 7 mamyrda barlyq oqý ornynda Aýǵan soǵysy arda­ger­leriniń qatysýymen erlik sabaqtary, shyǵarmashylyq jáne sporttyq is-sharalar ótkizý dástúrge aınalǵan. Sondaı-aq Aýǵanstan ardagerleri odaǵy janynan eriktiler qanaty qurylǵan. Pandemııa kezinde Aýǵan soǵysynyń ardagerleri men múgedekterine, sondaı-aq qıyn ómirlik jaǵdaıǵa tap bolǵan adamdarǵa 7 myńnan astam gýmanıtarlyq kómek taratyldy. Bul jumys búgingi kúnge deıin jalǵasyn taýyp kele jatyr. Soǵys ardagerleri Qańtar oqıǵasynda da shet qalmaı, Almatyda elimiz­diń Konstıtýsııalyq qurylysy men quqyqtyq tártibin saqtaýǵa kómektesetin shtab qurdy. 7 qala­lyq aýrýhana, jedel járdem stansasy, birqatar áleýmettik nysan qorǵaýǵa alyndy. 28 gvardııashy-panfılovshylar atyndaǵy saıabaqta patrýldik qyzmet uıymdastyrylyp, kómekke muq­taj kez kelgen adam habarlasa alatyn senim telefony quryldy.

Birlestik basshysy Baqytjan Ertaevtyń aıtýynsha, elimiz egemendik alǵan kúnnen bastap búgingi kúnge deıin 34 adam Halyq qaharmany ataǵyn alsa, 48-i «Eńbek eri» atanǵan. «Olardyń ishinde búgingi kúnge Halyq qaharmany ataǵyn alǵan 11 jáne «Eńbek eri» ataǵyn alǵan 37 adam aramyzda. Endigi jerde bizdiń uıymnyń maqsaty men mindeti – kóne dástúrlerdi jańǵyrtyp, ár ulttyń mádenıetiniń ózindik ereksheligin túsiný. Memleket jas urpaqty toleranttylyqqa, ózara syılastyqqa tárbıeleýge yntaly. Al kez kelgen memlekettiń basym mindeti – patrıottyq tárbıe berý. Qoǵamdyq birles­tik­tiń negizgi maqsaty – Halyq qaharmandaryn, «Eńbek er­le­rin» nasıhattaı otyryp, ult­tyq jadyny saqtaý negizinde jalpy­ulttyq tarıhı mádenıetti qaly­p­tastyrý úshin qoǵam men mem­le­kettiń kúsh-jigerin biriktirý», deıdi birlestik basshysy.

Keýdesin oqqa tosqan erler­diń kózsiz erligi týraly umy­týǵa haqymyz joq. «О́z batyr­laryn qurmetteıtin jáne maq­tan tutatyn halyq – uly ha­lyq» demekshi, jaqyndarynan aıy­­rylǵandar úshin, jastyq shaǵy ot pen oqtyń ortasynda ót­kender úshin Aýǵan soǵysy – jazylmaıtyn jara. Sebebi soǵys órti sóngenimen, jaqynyn joǵaltqandardyń jan-jarasy, qaıǵy-muńy basylmaıdy.

Jas urpaqtyń endigi mindeti – eldikti tý etken erlerdi eske alyp, ardagerlerge qurmet kórsetý.