Fott: /azattyq-ruhy.kz
Rýdnyıdaǵy sapasyz ınternet úshin uıaly baılanys operatorlary jaýapqa tartyldy. Bul týraly búgin Rýdnyı qalasynyń prokýratýrasy málimdedi.
Rýdnyı qalasynyń prokýratýrasy óńiraralyq baılanys ınspeksııasymen birlesip qala kóshelerinde 3G/4G tehnologııalarynda ınternetke qol jetkizý sapasynyń jáne derekterdi júkteý jyldamdyǵynyń buzylýyn anyqtady.
«Prokýrorlyq qadaǵalaý aktisi boıynsha baılanys operatorlary jalpy somasy 10 mln teńgeden astam ákimshilik aıyppuldarǵa tartyldy, sondaı-aq olardyń atyna buzýshylyqtardy joıý týraly nusqamalar engizildi», dep jazylǵan resmı aqparatta.
Nusqamalardy oryndaý qorytyndysy boıynsha mobıldi operatorlar qalada baılanys sapasyn jaqsartý úshin qosymsha antennalar men qurylǵylar ornatty, osylaısha 103 myń uıaly baılanys abonentiniń quqyqtary qorǵaldy.
