Foto: A.Baıjumanov
Senattyń Áleýmettik-mádenı damý jáne ǵylym komıtetiniń tóraǵasy Nurtóre Júsip qazaq halqynyń tarıhyn zerdeleýdiń mańyzy men zerttelmegen «olqylyqtardyń» ornyn toltyrý qajettigin atap ótti.
«Qazaq eliniń tarıhynda áli de zerttelmeı qalǵan máseleler kóp. Solardyń eń ózekti talasqa toly tusy Qazaq eliniń Reseı ımperııasy quramynda bolǵan ýaqyty dep aıtar edim. 1905-1917 jyldar tarıhta elimiz úshin de Reseı úshin de úshin de shytyrmanǵa toly qym-qıǵash kezeń. Eńbekten osy kezeńdegi Reseıdegi saıası ınstıtýttardyń qalyptasýy, olardyǵy qazaq elıtasynyń orny jóninde qundy maǵlumattar men tyń kózqarastardy alýǵa bolady», dedi senator.
«Qazaq gazetteri» JShS-niń bas dırektory Dıhan Qamzabekuly jas urpaq úshin Reseı ımperııasynyń quramyna kirý kezindegi Qazaqstan tarıhyn zerdeleýdiń mańyzy zor ekenin atap ótti. Onyń aıtýynsha, bul Qazaqstandaǵy qazirgi saıası jáne áleýmettik prosesterdi tereńirek túsinýge múmkindik beretin tyń oılar men taldaý daǵdysyn qalyptastyrýǵa yqpal etedi.
