Garnızondar qyzmeti tekserildi

Qonaev garnızonynyń «Ja­ǵalaý» polıgonynda Qorǵanys mınıstri Desanttyq-shabýyldaý áskerleri qolbasshysynyń baıandamasyn tyńdady. General-maıor Almaz Jumakeev UQShU-nyń «Myz­ǵymas baýyrlastyq – 2024» ujymdyq bitimgerlik kúshteri­­men ótetin oqý-jattyǵýǵa daıyn­­dyq barysy týraly baıandady. Armııa avıasııasynyń tikushaǵymen «Shoshqaly» polıgonyn aınalyp ushyp ótti.

Mınıstr 65229 áskerı bóli­mine baryp, áskerı nysandardy aralap, Áýe shabýylyna qar­sy qorǵanys áskerleriniń avıa­sııalyq tehnıkasy men qarý-ja­ra­ǵyn qoldaný sharttarymen tanysty.

Qarýly kúshteri Memle­ket­tik áskerı-tarıhı mýzeıiniń fılıalynda Qorǵanys mınıstri nysannyń aýmaǵyn ulǵaıtý jáne ekspozısııalyq zaldardy jańartý maqsatynda júrgizilip jatqan jóndeý jáne qalpyna keltirý jumystarynyń barysyn tekserdi. Mýzeı bastyǵy Alýa Baı­qadamovamen kezdesýde gene­ral-polkovnık Rýslan Jaqsy­lyqov jumystardy sapaly jáne ýaqtyly oryndaý qajettigine nazar aýdardy.

Sapar aıasynda sala basshysy Qorǵanys mınıstrliginiń Bi­tim­­gerlik operasııalar orta­ly­ǵy­na da at basyp buryp, ınfra­qu­rylymdyq nysandardy ara­lap, ulttyq kontıngentti BUU-nyń Golan jotalaryndaǵy bitim­ger­lik mıs­sııasyna jiberýge qatys­­ty bir­qatar nusqaý berdi.

Almaty qalasyndaǵy Orta­lyq áskerı emhanaǵa barǵan kezde qorǵanys vedomstvosynyń bas­shysy mekemeniń emdeý-dıagnos­tıka­lyq jabdyqtarmen, tıisti qural­darmen jáne dárilik zattar­men qamtamasyz etilý ba­ry­sy­men tanysty. Mınıstr beki­­tilgen kontıngentke sapaly ambý­lator­lyq-emhanalyq jáne konsýl­tasııa­lyq-dıagnostıkalyq kómek kórsetý qajettigin atap ótti.

Qorǵanys mınıstri, gene­ral-polkovnık Rýslan Jaqsy­ly­qov Shymkent qalasyna bar­ǵan saparynda avıasııa baza­synda «Ońtústik» óńirlik qol­bas­shylyǵy áskerleriniń qol­basshysy, general-maıor Qýa­nysh­bek Úshtaevtyń quramalar men áskerı bólimderdiń jaýyn­ger­lik jáne jumyldyrý daıyndyǵy týraly baıandamasyn tyńdady.

Sonymen birge Shymkent qa­la­synyń ákimi Ǵabıt Syzdyq­bekovpen kezdesip, áskerı ınfra­qurylym nysandaryn salý, olardy jóndeý jáne paıdalaný salasyndaǵy yntymaqtastyq máselelerin talqylady.

Shymkent garnızonynyń 36814 áskerı bóliminde gene­ral-polkovnık Rýslan Jaq­sy­­lyqov komandırdiń bólim­she­lerdiń maqsattary, jaýyngerlik múmkindikteri men jasaqtalýy týraly baıandamasyn tyńdady. Qorǵanys mınıstri jaýyngerlik daıarlyqtyń sapasyn arttyrýǵa, bólimniń qarý-jaraqpen jáne áskerı tehnıkamen jaraq­tan­dyrylýyna basa nazar aýdardy. Bunyń bári áskerı qyzmetshilerdiń moraldyq-jaýyngerlik rýhyna baılanysty ekenin atap ótti.

Buǵan qosa qorǵanys sala­synyń basshysy áskerı bólim­derde áskerılerge jasalǵan tur­ǵyn úı-turmystyq jaǵdaımen ta­nysyp, kazarmalardy, ashanalar­dy jáne áleýmettik-mádenı nysandardy aralady.

Shymkent qalasyndaǵy Áýe qorǵanysy kúshteriniń avıabazasynda Rýslan Jaqsylyqov ushý ekıpajyna pılotaj jáne avıa­sııalyq zaqymdaý quraldaryn qoldaný mindetterin pysyqtaýǵa múmkindik beretin bólimniń ınfra­qurylymyn, avıakompanııa­lardy qarady.

Jumys saparynyń sońynda Qorǵanys mınıstri jaýyngerlik daıarlyqtyń sapasyn arttyrý, áskerlerdiń jaýyngerlik ázirligi jáne áskerı ınfraqurylym obektilerin jaılastyrý jóninde birqatar tapsyrma berdi.