– Áspet, kitap týraly ıdeıańyz qalaı paıda boldy?
– Men bir erekshe sezim qushaǵynda boldym, talaı jyldar boıy shyńdaǵan bilimim de bar. Sondyqtan bul kitapty jazbaýym múmkin emes edi. Men tabysty sheber atandym, al ZEN mektebi minsiz bedelge ıe boldy. Shákirtterim tek kásibı daǵdylar týraly ǵana emes, ózderin qyzyqtyratyn basqa da suraqtardy qoıdy. Al meniń olarǵa aıtarym bar edi ári olarmen bólisetinim de kóp boldy. Bul – bir kese shaı ústindegi áńgime emes, sátti jumys isteıtin naǵyz ómir fılosofııasy. Kitap meniń ómir-saıahatymnyń qısyndy jalǵasy ispetti. «Massaj sheberi – ZEN mektebi» – osynyń bárine qalaı qol jetkizgenim týraly kitap.
– Bul kitap kimderge arnalǵan?
– Kóbinese áıelder aýdıtorııasyna. Sonyń ishinde, men sııaqty qyzdarǵa da. Qolaıly jaǵdaıda týyndamasa da, bul olardyń ómirden ózderine kerektisin alýlaryna kedergi jasamaıdy. Jyldar boıy oılanýǵa ýaqyt ketirmeı, ıdeıa paıda bolǵan kezde bárin dereý qolǵa alatyn jandar úshin. Jetistikke jetkisi keletin, biraq áli de qandaı is-áreket jasaý qajet ekendigin bilmeıtinderge.
– Ony nege anańyzǵa arnadyńyz?
– Men ózimdi self-made áıelmin dep esepteımin. Degenmen janymdaǵy janashyr adamdar bolmasa, búgingi jetistigime eshqashan jete almas edim. Ár adam bizdiń damýymyzǵa óz úlesin qosatyny anyq. Anamnyń maǵan kóptegen múmkindiktiń qoljetimdi ekendigin kórsete bilgendigi – men úshin ólsheýsiz baqyt. Anam – óz ómirimdegi basty tulǵa, eń jaqyn jan.
Ákemmen ajyrasyp, úsh balasyn jalǵyz ózi baǵýǵa májbúr bolǵan kezde de ol ózin bir sátke de joǵaltqan joq. Meniń ómirimde de anam óshpes iz qaldyrdy, qatty áser etti. Jáne qaldyrǵan izi, ol ómirde joq bolsa da, jalǵasyp jatyr.
Meniń kitabym tek anama ǵana emes, aǵam men ápkeme de arnalǵan. Olardyń meni qoldaýy men maǵan degen súıispenshiligi taǵdyrymnyń kez kelgen jolynda kómektesetini sózsiz.
– Kitapta siz jetistikke jetýdiń 9 qadamyn sıpattapsyz. Qalaı oılaısyz, olar jurttyń barlyǵyna qatysty ma, álde tek sizdiń stýdentterińiz úshin paıdaly ma?
– Barlyǵyna, árıne! Iá, men mysaldardy óz ómirimniń kontekstinde sıpattaımyn. Massajdyń kóptegen baǵyty bar. Degenmen kitaptaǵy qadamdar – tolyǵymen ámbebap. Ony oqyńyz jáne osy tájirıbeni kez kelgen basqa da múmkindikte qoldanyńyz. Ol 5+ deńgeıinde jumys isteıdi. Men oǵan senimdimin.
– Bul kitap sizdiń ózińizge qalaı áser etti?
– Kitap óte paıdaly bolyp shyqty. Eger siz ony muqııat oqyp shyǵyp, óz ómirińizdiń kontekstinde qoldanatyn bolsańyz, ol sizge jaǵymdy áser etetinine senimdimin. Munyń ózi psıhoterapııa seansy sııaqty. Sodan keıin: «Bul múmkin boldy ma?» degen ishki suraq týyndaıdy. Sondyqtan ol maǵan óte ystyq. Jeńil oqylady, biraq umytylmas áser qaldyrady. Men ony jan-jaqty jáne oısha qaıta-qaıta talqylap júrmin.
Keı kezde ne jaıynda jazarymdy bilmeı turǵanda da mende ózimdi tizgindep tejeý, úzilis jasaý nemese toqtaý bolǵan joq. Men oıymdy lezde jınaqtaı bildim. Ol meni logıkalyq túrde jalǵastyrdy, men ony óz jan-júregimnen tolyqtaı shyǵardym deýge bolady.
– Josparyńyzda ekinshi kitap jazý bar ma?
– Kitap – óz juldyzshasy bar jumbaq. Ol – Instagram-daǵy jazba emes. Ony tek aıtaryń bar kezde jaza alasyń. Ázirshe naqty josparym joq. Biraq meniń ómirim maǵan túrli tosynsyı men kilt burylys ákelmeı qoımaıtynyna senimdimin. Bálkim, 5-10 jyldan keıin men de áıeldermen ózindik danalyǵymdy bólisermin. Bálkim, bólispespin. Men eshqandaı boljam jasamaımyn, biraq qazir meniń ekinshi kitap jazý jaıly oıym joq.
– Oqyrmandaryńyzǵa qandaı keńes berer edińiz?
– Kitabymdy satyp alyńyz jáne oqyńyz! Shynymdy aıtsam, men jasaǵan eńbegimdi maqtan tutamyn. Kitabym kóptegen qyzǵa ómirdegi óz jolyn túsinýge jáne aıqyn maqsatyn tabýǵa kómektesedi. Eger siz ne qalaıtynyńyzdy bilseńiz, biraq oǵan qalaı qol jetkizý kerektigin bilmeseńiz, onda bul kitap sizge armanyńyzǵa jetý jolynda mindetti túrde járdemdesedi.
«Men sizdiń dzendi shap berip ustap alýyńyzdy tileımin!»
Áńgimelesken –
Káribaı Musyrman,
«Egemen Qazaqstan»
