Áıel quqyna qatysty qylmys eki ese azaıǵan

Búginde bólinis polısııa men úkimettik emes sektor, mem­lekettik organdar jáne áıel­der isteri jáne otbasylyq-demo­gra­fııalyq saıasat jónindegi Ult­tyq komıssııa arasyndaǵy baı­lanystyń rólin atqaryp otyr. Bólinis ınspektorlary polı­sııa organdary qyzmetteriniń otbasylyq-turmystyq qaty­­nas­tar salasyndaǵy qu­qyq buzý­shylyqtardyń, áıel­der­ge qa­tysty jasalǵan qyl­mys­tar­dyń aldyn alý jónindegi qyz­metin úılestirýmen aı­naly­syp qana qoımaı, tur­mys­­tyq zor­lyq-zombylyq qur­­ban­­da­ryn jeke qabyldaýdy júzege asyrýdy da óz mindet­te­rine alyp otyr. Sondaı-aq já­bir­lený­­shi­ni quqyqqa qarsy qol­su­ǵý­shy­lyq­tardan qorǵaý jó­nin­de qajet­ti sharalar qabyl­daı­dy.

Ishki ister mınıstrligi atap ótkendeı, byltyr daǵdarys or­talyqtaryna 7 myńnan astam áıel jiberilgen. Onyń ishinde 6 myńǵa jýyǵy balalarymen birge baspanaǵa ornalastyryl­dy. Al bólinistiń senim telefondaryna 56 myńnan astam qońyraý tústi. Áıelderdi zor­lyq-zombylyqtan qorǵaý jó­nindegi ınspektorlar áıel­derge 17 myń keńes berse, olar­dyń 11,7 myńnan astamy keıin­nen polısııaǵa júgingen. Tal­qylaý barysynda 9 myń adam – ákimshilik, 19 adam qyl­mys­tyq jaýapkershilikke tartylyp otyr. Qabyldanǵan uıym­dastyrýshylyq jáne quqyqtyq sharalardyń nátıjesinde keıingi 6 jylda áıelderdiń quqyq­taryna qol suǵatyn qyl­mys sany eki ese azaıǵanyn atap ótken jón.

Sonymen birge byltyr áıel­derdi zorlyq-zombylyqtan qor­ǵaý qyzmetkerleri quqyq­tyq ta­qyrypta 21 myńnan as­tam baıan­­dama jasaǵan. Bul ta­qy­ryp­ta bólinistiń polısııa qyz­­metkerleri oqý oryndarynda jáne eńbek ujymdarynda 31 myń­­­nan astam dáris, semınar men trenıng ótkizgen. О́z sa­la­syn­da súbeli eńbek etip, an­tyna adal­dyq tanytyp júrgen qyz­met­ker­ler arasynda me­dal, gramota jáne alǵyshattarmen mara­pattalǵandar da bar.

Sarapshylardyń paıym­daýynsha, álemde árbir úshinshi áıel kúsh kórsetý jáne jy­nys­tyq zorlyqqa ushyraıdy. Keıin­gi jyl­dary quqyq qorǵaý salasyn­daǵy dúnıejúzilik uıym­­­dar­dyń sarapshy maman­dary da dúnıe júzi memleketterin áıelder men qyzdardyń quqyǵyn qor­ǵap, múmkindigin arttyrýdy kú­sheıtýge shaqyryp keledi. Elimizde de bul baǵytta atqa­ryl­­­ǵan jumys kóp. Zańdarymyz qataıyp, polısııa bólinisiniń jumysy jandandyrylyp jatyr. Sebebi Memleket basshysy aıtqandaı, azamattardyń bárine teń múmkindik beretin qoǵam qurý, sonyń ishinde áıelder men balalardyń quqyǵyn qorǵaý – bas­ty mindet.