O.Turlybaevtyń aıtýynsha, ótken jyly 5 qarjy pıramıdasynyń qyzmeti joıylyp, 3 qylmystyq is sotqa joldanǵan. «Qarjy pıramıdalary, ınternet keńistigindegi jarnamalyq siltemelerdiń barlyǵy «Kıberbaqylaý» AJ arqyly buǵattalyp otyrady. Bul jobany Qarjy monıtorıngi agenttigi ázirlegen bolatyn. Búginde departament buǵattalǵan 1 200-den astam saıtty (qarjy pıramıdalary, zańsyz oıyndarǵa qatysty siltemeler) anyqtady», dedi O.Turlybaev málimdemesinde.
Departament qarjy pıramıdalarynyń qyzmetin joıýmen qatar, saýda jáne basqa da ekonomıkalyq sektorlardaǵy zańsyz áreketterdi únemi qatań baqylaýda ustaıdy. Júrgizilgen jedel izdestirý jumystary barysynda sáıkestendirýsiz kontrafaktilik temeki jetkizýdiń joly kesilgen. Jalpy aksızdik alym somasy 1,5 mlrd teńgege deıin jetkeni áshkerelengen jaıy bar. Qazir osy másele boıynsha sheteldiń eki azamaty tergeýge tartylyp otyr. Tergeý arqyly anyqtaý nátıjesinde 63 myńnan astam qorap temeki joıylyp, 5 myńnan astam alkogol tárkilengen.
Sonymen qatar osy departament tarapynan áleýmettik mańyzy bar azyq-túlik taýarlaryna baǵany qadaǵalaý jáne ónimsiz deldaldardy anyqtaý jumystary jalǵasyp jatyr.
Abaı oblysy
