Bilim • 22 Aqpan, 2024

Elimizdiń 20 kolledjinde «Business startup» ortalyqtary jumys isteıdi

220 ret

kórsetildi

1 mın

oqý úshin

Kásipkerlik boıynsha qolaıly orta qurý jáne bilim alý, bıznes startaptardy damytý maqsatynda byltyrdan beri kolledjderde «Business Startup» stýdenttik ortalyqtary ashyldy. Búginde olardyń sany 20-ǵa jetti, dep habarlaıdy Egemen.kz Oqý-aǵartý mınıstrliginiń baspasóz qyzmetine silteme jasap.

Marjan TILEÝBEK

Elimizdiń 20 kolledjinde «Business startup» ortalyqtary jumys isteıdi

Foto: ortcom.kz

«Bul jastar arasynda kásipkerlikti damytý men óz bıznes-ıdeıalaryn júzege asyrǵysy keletin stýdentterdi qoldaýdaǵy mańyzdy qadam. Olar tájirıbeli tálimgerlerden dáris alady. Sondaı-aq startap baıqaýlar ótkiziledi, onda stýdentter óz ıdeıalaryn usynyp qana qoımaı, olardy júzege asyrý úshin qosymsha qoldaý alady», deıdi tehnıkalyq jáne kásiptik bilim berý departamenti dırektorynyń mindetin atqarýshy Aqzıra Qasymova.

Josparǵa sáıkes, 2028 jylǵa deıin respýblıka boıynsha kolledjderde osyndaı 100 ortalyq qurylady. 97 memlekettik kolledj qazirdiń ózinde ózderi óndirgen taýarlardy satýǵa shyǵardy, bul olarǵa óz betinshe tabys tabýǵa múmkindik beredi.