Foto: Parlam.kz
Depýtattyń aıtýynsha, Qazaqstan azamattary «arbıtrajdyq baptan» kóp zardap shegedi. Barlyq daý-damaılar tek arbıtrajda, ıaǵnı jeke sotta sheshiledi. Olardyń sýdıalardan aıyrmashylyǵy arbıtrler eshqandaı jaýapkershilik kótermeıdi jáne olardy sóz baılasýdan, sybaılastyqtan, aldaý men alaıaqtyqtan eshteńe toqtata almaıdy.
«Arbıtrajda sheshiletin barlyq daýlar rıeltorlyq kompanııalardyń paıdasyna sheshiledi. Memlekette rıeltorlar men arbıtrajdyq sottarǵa baqylaý joq, bul azamattardyń quqyqtaryn qorǵaýdy tolyq qamtamasyz etýge múmkindik joq degendi bildiredi. Qazaqstanda sońǵy úsh jylda jyljymaıtyn múlikti satyp alý-satý operasııalarynyń sany shamamen 1,5 mıllıon teńgeni qurady. Krisha.kz saıtyndaǵy jyljymaıtyn múlikti satý týraly habarlandyrýlardyń kem degende jartysyn rıeltorlar jarııalaǵan», dedi Oljas Quspekov.
Bul jaǵdaıda bizdiń azamattardyń basqa amaly qalmasy anyq. Álbette olar rıeltorlarmen jumys isteýge májbúr bolady.
«AQSh, Fransııa jáne basqa da Eýropa elderiniń tájirıbesi kórsetkendeı, rıeltorlyq qyzmetti qatań memlekettik retteý, lısenzııalaýdy engizý, etıkalyq kodeksti qatań saqtaý, bolashaq rıeltorlardyń jeke basyn jáne qylmys jasaǵan-jasamaǵanyn tekserý qajet», dedi depýtat.
Budan soń ol atalǵan máselege qatysty birqatar usynys jasady:
- rıeltorlyq qyzmetti memlekettik retteýdi belgileý, ony lısenzııalaýdy engizý, rıeltorlardy mindetti oqytýdy jáne biliktilik emtıhandaryn tapsyrýdy engizý;
- eldegi barlyq rıeltorlyq kompanııalar úshin «arbıtrajdyq bapty» alyp tastaıtyn bir tıptik kelisimdi ázirleý;
- tájirıbe, bilim, akademııalyq jáne kásibı jetistikteri boıynsha arbıtrlerge qoıylatyn talaptardy arttyrý, sondaı-aq olarǵa júıeli baqylaý ornatý jáne tıisti organdarǵa qyzmeti týraly turaqty esep berýdi talap etý.
