Qaıtarylǵan jerlerdi qaıta bólý jáne topyraqtyń degradasııasyna qarsy kúresti kúsheıtý arqyly óńir turǵyndarynyń jaıylym oryndary qajettilikterin qamtamasyz etý – osyndaı múmkindikterdi jaqynda Jaıylymdardy paıdalaný máseleleri boıynsha qabyldanǵan zań berip otyr. Jınaqtalǵan máselelerdi sheshý jáne jer salasyndaǵy jaǵdaıdy jaqsartý úshin Úkimette birqatar keshendi tásil men júıeli shara ázirlenip jatyr. Olardyń ishinde qyzmet kórsetýdiń qaǵazsyz formatyna kóshý jáne jer ýchaskelerin berý rásimin avtomattandyrý bar. Bul rette jer máselelerine baılanysty barlyq rásimdi sıfrlandyrý sybaılas jemqorlyq táýekelderiniń aldyn alýǵa jáne jergilikti jerlerde jaýapkershilikti kúsheıtýge múmkindik beredi dep kútilýde.
Qazaqstanda 2023 jyly «Jyljymaıtyn múliktiń biryńǵaı memlekettik kadastry» aqparat júıesi iske qosyldy. Astana, Almaty, Shymkent qalalarynda, oblystyq jáne aýdandyq mańyzy bar qalalarda jer ýchaskelerin berýdiń elektrondyq tártibi zańnamalyq túrde engizildi. Sıfrlyq aýyl sharýashylyǵy kartalary jasalyp jatyr. О́tken jyldyń qorytyndysynda barlyǵy 145 mln ga aýyl sharýashylyǵy jerleri sıfrlandyryldy. Bul elimizdiń aýyl sharýashylyǵy alqaptary aýmaǵynyń 77%-yn quraıdy. Aýyl sharýashylyǵy jerlerin sıfrlandyrýdy 2025 jyly tolyq aıaqtaý josparlanyp otyr.Budan basqa memlekettik jer kadastrynyń avtomattandyrylǵan aqparat júıesi bazasynda qaǵaz betinde júzege asyrylatyn jer qatynastary salasyndaǵy fýnksııalardy jetildirý jumystary júrgizilip keledi. Komıssııa otyrysynda aqparat júıelerin ıntegrasııalaý úderisinde týyndaıtyn negizgi qıyndyqtar qaraldy.
«Qaıtarylǵan jerler birinshi kezekte aýyl men aýdan turǵyndary úshin jaıylym tapshylyǵyn tómendetýge tıis. Shalǵaıdaǵy jaıylymdardy paıdalaný qajet. Muny qalaı jasaý kerektigin kelesi otyrysqa daıyndaýdy tapsyramyn. Sondaı-aq jaıylymdardy josparly basqarýdy qamtamasyz etý, olardyń degradasııasyn boldyrmaýǵa nazar aýdarý jáne aýyldyq jerlerde sıfrlandyrý máselesin sheshý qarqynyn jedeldetý qajet. Sıfrlyq damý, ınnovasııalar jáne aeroǵarysh ónerkásibi mınıstrligi, О́nerkásip jáne qurylys mınıstrligi jáne ákimdiktermen birlesip, onyń tehnıkalyq daıyndyǵyn qamtamasyz ete otyryp, Jyljymaıtyn múliktiń biryńǵaı memlekettik kadastry aqparat júıesiniń bar kemshilikterin pysyqtaýy qajet», dedi otyrys qorytyndysynda Serik Jumanǵarın.
