Foto: openbusiness.ru
Depýtattyń aıtýynsha, Qyrǵyzstanda máıitti órteý kerek degen pikirdi qoldaıtyn adamdar toby az emes. Sondyqtan kórshi eldiń quqyqtyq qujatynda «Jerleý jáne jerleý isi týraly» zańda krematorııler salý týraly tarmaq qarastyrylǵan.
«Qabyldanǵan bul zań elimizdegi keı din ókilderine kremasııa jasaýǵa múmkindik beredi. Sonymen qatar qazirgi tańda janýarlardyń óleksesin ashyq, kez kelgen orynǵa laqtyryp tastaý faktileri jıi ushyrap jatyr. Salynatyn krematorııler osy olqylyqty da túzeıtin bolady», dedi qyrǵyz depýtaty.
Kórshi elde zań jobasy qabyldanǵannan keıin 6 aı ishinde máıitti órteý oryndaryn salý isi negizinde jekelegen erejeler, normatıvtik quqyqtyq aktiler ázirlenbek.
«Máıitti órteý sharasy jaýapty organdar arqyly júzege asady. Bul áreketti jasamaq bolǵan turǵyndar, áýeli, birqatar rastaý qujatyn, týystarynyń ruqsat qaǵazyn kórsetý kerek. Kez kelgen adam qalaǵan ýaqytynda máıitti órteı almaıdy», dep túsindirdi Marlen Mamatalıev.
Aıta keteıik, krematorııler Qyrǵyzstannyń tek qalalarynda ǵana memlekettik bıýdjet esebinen salynady.
